Padarn

Oddi ar Wicipedia
Neidio i: llywio, chwilio
Sant Padarn. Eicon Uniongred o Lydaw.

Sant o Gymru neu Lydaw oedd Padarn, Lladin: Paternus (bl. tua OC 560).

Eglwysi[golygu]

Enwyd nifer o eglwysi yng Ngheredigion a Powys ar ei ôl; yr enwocaf ohonynt yw Llanbadarn Fawr ger Aberystwyth. Eglwysi eraill yw Llanbadarn Odwyn a Llanbadarn Trefeglwys yng Ngheredigion a Llanbadarn Fynydd a Llanbadarn-y-garreg ym Mhowys. Mae gweddillion hen eglwys y dywedir ei bod wedi ei chysegru iddo ger Llanberis yn Ngwynedd, felly mae'n debyg mai ef a roddodd ei enw i Lyn Padarn a Dolbadarn gerllaw.

Buchedd Padarn[golygu]

Mae'r unig fuchedd iddo, yn y casgliad B.M. Vespasian A, xiv, yn ddiweddar. Dywedir yno ei fod yn frodor o Lydaw, ond cred G. H. Doble nad yw hyn yn gywir, ac mai brodor o dde-ddwyrain Cymru ydoedd yn ôl pob tebyg. Mae'r enw Lladin "Paternus" yn un cyffredin, a chredir fod hanes Padarn wedi ei gymysgu ag o leiaf ddau sant o Lydaw sy'n dwyn yr un enw. Mae Patern, esgob Gwened yn un o Saith Sant-sefydlydd Llydaw.

Gweler hefyd[golygu]

Cyfeiriadau[golygu]