Omsk

Golygfa ar Omsk dros Afon Irtysh

Dinas fawr a phorthladd pwysig yn Siberia, Rwsia yw Omsk (Rwseg: Омск). Gyda phoblogaeth o 1,129,281, Omsk yw dinas ail fwyaf Siberia, ar ôl Novosibirsk, a'r seithfed fwyaf yn Rwsia gyfan. Fe'i lleolir 2,700 km (1,700 milltir) i'r dwyrain o Foscow yn ne-orllewin Siberia ac mae'n brifddinas Omsk Oblast.

Gorwedd ar gymer afonydd Irtysh a Om ar lwybr y Rheilffordd Traws-Siberia. Mae'n ganolfan ddiwydiannol a chroesffordd cludiant o bwys.

Yng nghyfnod Ymerodraeth Rwsia, roedd Omsk yn sedd Llywodraethwr Cyffredinol Gorllewin Siberia, ac yn nes ymlaen yn sedd Llywodraethwr Cyffredinol y Steppes. Am gyfnod byr yn ystod Rhyfel Cartref Rwsia yn 1918–1919, cafodd ei chyhoeddi yn brifddinas Rwsia a diogelwyd cronfa aur y wlad yno.

Omsk yw canolfan weinyddol Cossacks Siberia, a cheir cadeirlan Esgob Omsk a Tara a sedd imam Siberia yno hefyd.

Adeiladau a chofadeiladau

• Amgueddfa Mikhail Vrubel
• Eglwys Gadeiriol Sant Niclas
• Theatr Drama Omsk

Enwogion

• Mikhail Vrubel (1856-1910), arlunydd
• Yuri Titov (g. 1935), athletwr

Dolenni allanol

Mae gan Gomin Wicifryngau gyfryngau sy'n berthnasol i:

Omsk

• (Rwseg) Gwefan Dinas Omsk

Eginyn erthygl sydd uchod am Rwsia. Gallwch helpu Wicipedia drwy ychwanegu ato