Nigel Owens

Oddi ar Wicipedia
Neidio i: llywio, chwilio
Nigel Owens
Nigel Owens Welsh Rugby Union Referee.JPG
Owens yn dyfarnu yn 2008
Ganwyd (1971-06-18) Mehefin 18, 1971 (43 oed)
Mynyddcerrig, Llanelli, Sir Gaerfyrddin, Baner Cymru Cymru
Yn enwog am Jonathan, Bwrw'r Bar
Galwedigaeth Dyfarnwr rygbi

Dyfarnwr rygbi yw Nigel Owens (ganed 18 Mehefin 1971). Cafodd ei eni ym Mynyddcerrig, ger Llanelli. Daeth yn ddyfarnwr rhyngwladol yn 2005. Y gêm ryngwladol gyntaf iddo ddyfarnu oedd yr un rhwng Iwerddon a Japan yn Osaka. Fe oedd yr unig Gymro a fu'n dyfarnu yng Nghwpan Rygbi'r Byd 2007 yn Ffrainc. Mae'n dyfarnu'n gyson yng Nghwpan Heineken.

Arferai weithio fel technegydd yn Ysgol Gyfun Maes-Yr-Yrfa, Cefneithin ac yna fel gweithiwr ieuenctid gyda Menter Cwm Gwendraeth. Fe'i apwyntiwyd yn ddyfarnwr rhyngwladol yn 2005, a'r flwyddyn honno dyfarnodd ei gêm rhynglwadol gyntaf rhwng Iwerddon a Japan yn Osaka. Ynghyd â Wayne Barnes o Lloegr a Marius Jonker o Dde Affrica, cafodd Owens ei gêm Cwpan y Byd cyntaf yn Lyon, Ffrainc ar yr 11 Medi, 2007 rhwng yr Ariannin a Georgia. Mae ef yn un o ddau ddyfarnwr yn unig sydd wedi dyfarnu dwy gêm yn rowndiau terfynik y Cwpan Heineken, sef Munster v Tolouse yn Stadiwm y Mileniwm 2008 a Tigrod Caerlyr v Leinster ym Murrayfield 2009.

Ym mis Mai 2007, daeth Owens allan fel dyn hoyw mewn cyfweliad gyda "Wales on Sunday". Er bod ymateb pobl wedi bod yn gadarnhaol yn gyffredinol, dywedodd ei fod yn benderfyniad anodd iawn i'w wneud. Dywedodd iddo ystyried cyflawni hunanladdiad ar adegau.[1] Dywedodd

"It's such a big taboo to be gay in my line of work, I had to think very hard about it because I didn't want to jeopardise my career. Coming out was very difficult and I tried to live with who I really was for years. I knew I was 'different' from my late teens, but I was just living a lie."

Yn fuan wedi Cwpan Rygbi'r Byd yn 2007, enwyd Owens fel 'Personoliaeth chwaraeon y flwyddyn' gan y mudiad hawliau hoyw Stonewall. Cafwyd seremoni yn Llundain.[2]

Bellach mae ef yn nawdd i'r "LGBT Centre of Excellence Wales" a'r elusen rygbi, "Wooden Spoon".[3]

Llyfryddiaeth[golygu]

Cyfeiriadau[golygu]

  1. Ref's gay torment. Wales on Sunday. Adalwyd 28-07-2009
  2. World Cup rugby ref's gay award. Gwefan y BBC. Adalwyd 28-07-2009
  3. LGBT Excellence Centre Wales. Adalwyd ar 28-07-2009


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.