Nebuchadnesar II

Oddi ar Wicipedia
Nebuchadnesar II
Ganwydc. 642 CC Edit this on Wikidata
Uruk Edit this on Wikidata
Bu farwc. 561 CC Edit this on Wikidata
Babilon Edit this on Wikidata
DinasyddiaethNeo-Babylonian Empire Edit this on Wikidata
Galwedigaethteyrn, arweinydd, brenin Edit this on Wikidata
SwyddKing of Babylon Edit this on Wikidata
Adnabyddus amGerddi Crog Babilon, Ishtar Gate Edit this on Wikidata
TadNabopolassar Edit this on Wikidata
PriodAmytis of Media Edit this on Wikidata
PlantAmel-Marduk, Eanna-sharra-usur Edit this on Wikidata

Roedd Nebuchodnesar II neu Nebuchadnezzar II (Cymraeg Beiblaidd: Nebuchodonosor [1]) (605 CC - 562 CC) yn frenin Babilon ym Mesopotamia (de Irac heddiw). Mae'n gymeriad pwysig yn yr Hen Destament.

Yn ystod ei ryfel yn erbyn teyrnas Judaea cipiodd Nebuchodnesar ddinas Jeriwsalem a'i dinistrio yn 586 CC. Gorfodwyd nifer o'r trigolion i fudo i Fesopotamia. Mae'r Iddewon yn galw'r cyfnod a dreuliasant yno yr Alltudiaeth Fabilonaidd. Yn ôl traddodiad cludwyd Arch y Cyfamod i Fabilon ganddo.

Gerddi Crog Babilon

Ymhlith y carcharorion oedd Daniel. Enillodd Daniel rym a dylanwad ym Mabilon trwy egluro ystyr breuddwyd a gafodd y brenin am ddelwedd aur â thraed o glai (Dan 2:32-3). Gyda thri Iddew arall, Shadrach, Meshach ac Abednego, gwrthododd Daniel addoli'r delwedd aur a greuwyd ar orchymyn y brenin a goroesodd brofedigaeth y Ffwrnas Tanllyd (Dan 3:19-30). Tro arall anwybyddodd Nebuchodnesar ddadansoddiad Daniel o freuddwyd am goeden a dorwyd i lawr i'w bôn gan angel, a oedd yn golygu y byddai'r brenin yn cael ei ddarostwng os nad edifarheuai. Flwyddyn yn ddiweddarach, ac yntau'n bostio am ei allu mawr, aeth Nebuchodnesar o'i gof. Aeth i grwydro yn yr anialwch gan fwyta gwair fel anifail gwyllt (Dan 4:33).

Roedd y gerddi crog enwog ym Mabilon a godwyd ar do palas y brenin, neu yn ei ymyl, yn un o Saith Rhyfeddod yr Hen Fyd.

Nebuchodnesar II yw'r cymeriad teitl yn opera Verdi Nabucco.

Dolenni allanol[golygu | golygu cod]

  1. Beibl Cymraeg 1620 Jeremiah 21:2 adalwyd 28, Tachwedd, 2018