Myfanwy

Un o ganeuon y cyfansoddwr Cymreig Joseph Parry (1841 - 1903) yw Myfanwy, gyda'r geiriau'n dod o gerdd wedi'u cyfansoddi gan Richard Davies (Mynyddog) yn 1858 dan y teitl Myfanwy Fychan (cyhoeddwyd 1860 yn y gyfrol Oriau'r Hwyr). Dyma un o ganeuon enwocaf y bartneriaeth hon - rhain hefyd fu'n gyfrifol am yr opera Blodwen.

Geiriau

Paham mae dicter, O Myfanwy,

Yn llenwi'th lygaid duon di?

A'th ruddiau tirion, O Myfanwy,

Heb wrido wrth fy ngweled i?

Pa le mae'r wên oedd ar dy wefus

Fu'n cynnau 'nghariad ffyddlon ffôl?

Pa le mae sain dy eiriau melys,

Fu'n denu'n nghalon ar dy ôl?

Pa beth a wneuthum, O Myfanwy,

I haeddu gwg dy ddwyrudd hardd?

Ai chwarae oeddit, O Myfanwy

 thanau euraidd serch dy fardd?

Wyt eiddo im drwy gywir amod

Ai gormod cadw'th air i mi?

Ni cheisiaf fyth mo'th law, Myfanwy,

Heb gael dy galon gyda hi.

Myfanwy boed yr holl o'th fywyd

Dan heulwen disglair canol dydd.

A boed i rosyn gwridog iechyd

I ddawnsio ganmlwydd ar dy rudd.

Anghofia'r oll o'th addewidion

A wnest i rywun, 'ngeneth ddel,

A dyro'th law, Myfanwy dirion

I ddim ond dweud y gair "Ffarwél".

Gweler hefyd

• Myfanwy Fychan, sef y "Myfanwy" o'r Oesoedd Canol y bu ei hanes rhamantus yn ysbrydolaeth i Geiriog gyfansoddi ei gerdd o'r un enw.