Mumbai

Oddi ar Wicipedia

Mumbai
Lleoliad o fewn Maharashtra ac India
Gwlad	India
Ardal	Maharashtra
Llywodraeth
Awdurdod Rhanbarthol	Corfforaeth Bwrdeisdrefol Mumbai Fwyaf
Maer	Shubha Raul
Daearyddiaeth
Arwynebedd	603.4 km²
Uchder	26 troedfedd (8 medr) m
Demograffeg
Poblogaeth Cyfrifiad	13,922,125(Cyfrifiad 2008)
Dwysedd Poblogaeth	21,880 /km2
Metro	20,870,764
Gwybodaeth Bellach
Cylchfa Amser	IST (UTC+5:30)
Gwefan	http://www.mcgm.gov.in

Mumbai (Marathi: मुंबई, Mumbaī, IPA:[ˈmumbəi], hen enw: Bombay) yw prifddinas talaith Maharashtra yng ngorllewin India a phrif borthladd a chanolfan economaidd India. Dyma'r ddinas mwyaf boblog yn India a'r ail ddinas fwyaf boblog yn y byd, gyda phoblogaeth amcangyfrifol o 13 miliwn. Lleolir Mumbai ar arfordir gorllewinol India a cheir yno harbwr sy'n naturiol ddwfn. Mae Mumbai yn ymdrin â dros hanner cargo morol yr India.

Mae'n borthladd pwysig iawn ac yn ddinas sydd wedi gweld tyfiant economaidd aruthrol yn ystod y degawdau diwethaf; serch hynny anwastad yw dosbarthiad y buddianau economaidd a nodweddir y ddinas gan gyferbyniaethau trawiadol rhwng y da eu byd a'r tlodion niferus.

Mae gan y ddinas nifer o adeiladau bric coch o gyfnod y Raj, e.e. y brif orsaf reilffordd yng nghanol y ddinas. Mae "Porth India", yr heneb a godwyd i nodi ymweliad y brenin Siôr V yn 1911, yn symbol o'r ddinas.

Dros y dŵr ym Mae Mumbai mae nifer o henebion Bwdhaidd hynafol i'w cael ar Ynys Elephanta.

[golygu] Adeiladau a chofadeiladau

• Castella de Aguada
• Llyfrgell David Sassoon
• Mosg Haji Ali
• Neuadd Cowasji Jehangir
• Raj Bhavan
• Tŵr India
• Tŵr Rajabai
• Tŷ Jinnah
• Tŷ Nariman

[golygu] Enwogion

• Dom Moraes (1938-2004), awdur
• Persis Khambatta (1948-1998), actores
• Anil Kapoor (g. 1959), actor
• Shilpa Shetty (g. 1975), actores