Michael Schumacher

Oddi ar Wicipedia
Neidio i: llywio, chwilio
Michael Schumacher

Cyn-yrrwr rasio Fformiwla Un o'r Almaen yw Michael Schumacher (ganed 3 Ionawr, 1969). Enillodd bencampwriaeth y byd saith gwaith, yn 1994, 1995, 2000, 2001, 2002, 2003 a 2004, mwy nag unrhyw yrrwr arall yn hanes Fformiwla Un.

Ganed ef yn Hürth Hermülheim yn yr Almaen. Dechreuodd yrru yn Fformiwla Un yn 1991 i dîm Jordan; ei ras gyntaf oedd Grand Prix Gwlad Belg, lle cymerodd le Bertrand Gachot, a oedd yn y carchar. Erbyn y ras nesaf roedd wedi arwyddo cytundeb gyda thîm Benetton. Enillodd ei fuddugoliaeth gyntaf yn Grand Prix Gwlad Belg 1992, ac aeth ymlaen i ennill y bencampwriaeth ddwywaith i Benetton. Symudodd i dîm Ferrari yn 1996, ac enillodd y bencampwriaeth bum gwaith yn olynol iddynt rhwng 2000 a 2004. Cyhoeddodd ei ymddeoliad ar ddiwedd tymor 2006.