Marguerite de Valois

Margot yn ferch ifanc (tua 1600, llun gan Francois Clonet, Musée Condé, Chantilly)

Marguerite de France, "La Reine Margot" (1553-1615), merch Harri II o Ffrainc a Catrin de Medici, gwraig Henri de Navarre (Harri IV, brenin Ffrainc); brenhines Ffrainc a llenores.

Gwaith Llenyddol

Roedd Margot yn fardd ac yn epistolydd. Ei brif waith yw ei Mémoires (Atgofion) sy'n cynnwys disgrifiadau bywiog a chofiadwy o rai o'r digwyddiadau hanesyddol y bu'n dyst iddynt, fel Cyflafan Gŵyl Sant Bartholomew, ynghyd â brasluniau mewn arddull ffres a thrawiadol o gymeriadau'r llys, yn arbennig y merched. Ei ysgrifenydd personol oedd y bardd François Maynard (1582-1646). Roedd hi ar delerau da â'r llenor Brantôme (c.1540-1614) hefyd, awdur y Recueil des dames a'r Dames Gallantes.

Ffuglen

Ysgrifenodd Alexandre Dumas (père) y nofel ramantaidd La Reine Margot seiledig ar brofiadau Margot adeg Cyflafan Gŵyl Sant Bartholomew yn 1846.

Llyfryddiaeth

Eginyn erthygl sydd uchod am Ffrancwr neu Ffrances. Gallwch helpu Wicipedia drwy ychwanegu ato.