Magnus Bäckstedt

Oddi ar Wicipedia
Magnus Bäckstedt
Gwybodaeth bersonol
Enw llawnMagnus Bäckstedt
LlysenwMagnus Maximus
Dyddiad geni30 Ionawr 1975
Taldra1.93m
Pwysau94kg
Manylion timau
DisgyblaethFfordd a weithiau Trac
RôlReidiwr
Math seiclwrArbenigwr y Clasuron
Tîm(au) Proffesiynol
1996–1997
1998–2001
2002–2003
2004
2005–
Collstrop-Palmans
Crédit Agricole
Team Fakta
Alessio-Bianchi
Liquigas
Prif gampau
Paris-Roubaix, 2004
Cam 1, Tour de France, 2005
Golygwyd ddiwethaf ar
19 Medi, 2007

Seiclwr ffordd proffesiynol o Sweden ydy Magnus Bäckstedt (ganwyd 30 Ionawr 1975 yn Linköping, Östergötland). Mae'n reidio dros dîm Liquigas. Mae Magnus wedi ennill y llysenw 'Magnus Maximus' (Cymraeg: Magnus Mawr) gan ei fod yn 193 centimetr o daldra â phwysau o 94 cilogram, ef yw un o'r seiclwyr mwyaf ym myd seiclo proffesiynol. Dechreuodd ei yrfa proffesiynol gan reidio i dîm Collstrop yn 1996, cyn symyd ymlaen i dîm Palmans yn 1997. Wedi newid i dîm GAN, yn 1998, dechreuodd lwyddiant proffesiynol Bäckstedt gyda 7fed safle yn ras Paris-Roubaix a buddugoliaeth ar Gam 19 y Tour de France rhwng Chaux-de-Fonds a Autun. Ailenwyd GAN yn Crédit Agricole ar ddechrau tymor rasio 1999 a chariodd Magnus ymlaen i fod yn aelod o'r tîm tan 2001, heb ail-adrodd ei lwyddiant o 1998.

Yn 2002 a 2003, reidiodd dros dîm Team Fakta, ef oedd y reidiwr cryfaf yn y tîm yn nhymor 2003. Wedi i dîm Team Fakta ddod i ben, symudodd i dîm Alessio-Bianchi a dychwelodd i lwyddiant yn ras Paris-Roubaix 2004. Symudodd i dîm Liquigas-Bianchi yn 2005, a bu'n ail safle ar Gam 7 y Tour de France, o Lunéville i Karlsruhe.

Bydd Bäckstedt yn reidio yn nhîm Team Slipstream yn nhymor 2008.[1]

Mae Magnus yn briod i'r seiclwraig Cymreig, Megan Hughes ac mae ganddynt ddau o blant. Ganed ei ferch hynaf, Elynor Megan Bäckstedt yn Ionawr 2002, a Zoe Jane Bäckstedt yn Nhachwedd 2004. Fel seiclwr proffesiynol mae Magnus wedi byw mewn sawl gwlad. Bu'n byw yn Zulte, Gwlad Belg yn 2003. Erbyn heddiw, mae'n byw yn Llanilltud Fawr, Bro Morgannwg, ac yn ôl y BBC, nid yw'r siwr os mai Swedwr neu Gymro ydyw bellach ac roedd yn ystyried cystadlu yng Ngemau'r Gymanwlad dros Gymru.[2]

Canlyniadau[golygu | golygu cod]

1996
1af Boland Bank Tour
1af 2 Gam o'r Boland Bank Tour
2il GP D'Isbergues
1997
1af GP D'Isbergues
1998
1af Cam 19, Tour de France
1af 1 Cam o'r Tour of Sweden
1af Cystadleuaeth Sbrint Four days of Dunkirk
2il Postgiro
1af Cam 4B, Postgiro
2000
2il Pencampwriaethau Cenedlaethol Rasio Ffordd, Sweden
2002
Pencampwr Cenedlaethol Rasio Ffordd, Sweden
1af GP Fayt le Franc
2003
Pencampwr Cenedlaethol Treial Amser, Sweden
1af Ctstadleuaeth 'Intergiro' Giro d'Italia
2il Pencampwriaethau Cenedlaethol Rasio Ffordd, Sweden
2il Nokere-Koerse
2il GP d'Ouverture la Marseillaise
2004
1af Paris-Roubaix
2il Gent-Wevelgem
2il CSC Classic
2005
2il Cam 7, Tour de France
2007
Pencampwr Cenedlaethol Rasio Ffordd, Sweden
Pencampwr Cenedlaethol Treial Amser, Sweden

Dolenni Allanol[golygu | golygu cod]

Cyfeiriadau[golygu | golygu cod]

  1. Backstedt Bound For Slipstream-Chipotle Archifwyd 2007-11-22 yn y Peiriant Wayback. londoncyclesport.com
  2. Village cheers on cycle hero BBC 3 Gorffennaf 2004