Métlaoui

Dinas yn ne-orllewin canolbarth Tunisia yw Métlaoui (Arabeg: المتلوي) sy'n gorwedd rhwng dinasoedd Gafsa a Tozeur yn nhalaith Gafsa. Mae'n ganolfan mwyngloddio ffosffad gyda phoblogaeth o 37,099 (2004).

Darganfuwyd ffosffad yn ardal Djebel Selja ar ddiwedd y 19eg ganrif. Cludir y ffosffad o Métlaoui i ddinas Sfax, 250 km i'r dwyrain ar lan y Môr Canoldir, i'w brosesu a'i allforio.

Ceir amgueddfa hanes naturiol yn y ddinas sy'n cynnwys ffosilau lleol. Mae'r Lézard rouge, cyn drên gwaith mwyn sydd heddiw'n atyniad twristaidd, yn cychwyn o'r ddinas trwy geunentydd Selja.

Cyfeiriadau

Eginyn erthygl sydd uchod am Tunisia. Gallwch helpu Wicipedia drwy ychwanegu ato