Loreen (cantores)

Oddi ar Wicipedia
Neidio i: llywio, chwilio
Loreen
Loreen Eurovision 2012 winner.jpg
Loreen ar ôl iddi ennill y Gystadleuaeth Cân Eurovision 2012
Gwybodaeth gefndirol
Enw genedigol Lorine Zineb Noka Talhaoui
Ganwyd (1983-16-10)

Ebrill 10, 1983 (30 oed)

Cerddoriaeth Dawns, Electronig, Synth
Galwedigaeth(au) Cantores
Offeryn(au) cerdd Llais
Blynyddoedd 2004–presennol
Label(i) recordio Warner Music (WMS)
Gwefan loreen.se

Cantores a chynhyrchydd o Sweden o dras Morocaidd-Berberaidd yw Lorine Zineb Noka Talhaoui (ganed 16 Hydref 1983). Mae yn fwy adnabyddus dan ei henw llwyfan Loreen (Lorén yn flaenorol). Mae Loreen yn fwyaf adnabyddus am ganu'r gân fuddugol "Euphoria" wrth gynrychioli Sweden yng Nghystadleuaeth Cân Eurovision 2012. Daeth hi i sylw'r cyhoedd yn Sweden am y tro cyntaf ar ôl ymddangos ar y sioe Idol 2004. Fe'i dewiswyd i gyfranogi fel 'nod-chwiliwr' gan feirniaid y sioe a daeth yn bedwaredd yn y gystadleuaeth.

Bywyd cynnar[golygu]

Ganed Loreen yn Stockholm, Sweden yn 1983 ond symudodd ei theulu i Västerås, lle mynychodd ysgol.[1][2] Treuliodd y rhan fwyaf o'i bywyd yn Gryta yn eu harddegau, ardal breswyl yn Västerås.[3][4] Berberiaid ydy'i rhieni, o dde Moroco.[5]

Perfformiadau ar Idol 2004[golygu]

Gyrfa[golygu]

Yn 2005 rhyddhaodd Loreen y sengl "The Snake" gyda'r grŵp Rob'n'Raz. Gweithiodd hi wedyn fel cyflwynydd ar y sianel deledu TV400.[6]

Perfformiodd Loreen yng ngystadleuaeth Melodifestivalen 2011 gyda'i chân "My Heart is Refusing Me" a ysgrifennwyd gan Moh Denebi, Björn Djupström a hithau, gyda'r gobaith o gynrychioli Sweden yng Nghystadleuaeth Cân Eurovision 2011. Canodd hi yn yr ail rownd gyn-derfynol yn Gothenburg a daeth hi'n bedwaredd gan ennill lle yn y rownd 'ail siawns' ond methodd hi symud ymlaen i'r rownd derfynol. Rhyddhawyd y sengl "My Heart is Refusing Me" ar 11 Mawrth 2011. Roedd y gân yn boblogaidd yn Sweden gan ennill y nawfed safle ar siart senglau Sweden.[7]

Perfformiodd Loreen ym Melodifestivalen 2012 gyda'i chân "Euphoria". Perfformiodd hi yn y rownd gyn-derfynol gyntaf ar 4 Chwefror 2012 ac mae hi wedi symud ymlaen yn syth i'r rownd derfynol a gynhaliwyd ar 10 Mawrth 2012 yn Stockholm. Enillodd hi Melodifestivalen ac o ganlyniad cynrychiolodd Sweden yng Nghystadleuaeth Cân Eurovision 2012 gyda'i chân "Euphoria", gan ddod yn fuddugol.

Disgyddiaeth[golygu]

Senglau[golygu]

Blwyddyn Sengl Lleoliad
uchaf
Sweden
[8]
2005 "The Snake" (feat. Rob'n'Raz)
2011 "My Heart is Refusing Me" 9
"Sober" 56
2012 "Euphoria" 1
TBD "If She's The One"

Cyfeiriadau[golygu]

Dolenni allanol[golygu]