Loggerheads

Oddi ar Wicipedia
Neidio i: llywio, chwilio
Gwesty'r We Three Loggerheads, Loggerheads.
Yr arwydd uwchben Carreg Carn Arthur.

Pentref bychan yn Sir Ddinbych yw Loggerheads (ni cheir enw Cymraeg).[1] Fe'i lleolir ger y ffin rhwng Sir Ddinbych a Sir y Fflint, tua 4 milltir i'r gorllewin o'r Wyddgrug ger Gwernymynydd, wrth droed llethrau dwyreiniol Bryniau Clwyd.

Llifa Afon Alun, un o lednentydd Afon Dyfrdwy, trwy Loggerheads. Dim ond ychydig o dai a thafarn sydd yno.

Nodir y ffin rhwng siroedd Dinbych a'r Fflint gan Garreg Carn March Arthur. Yn ôl y chwedl, gadawodd march y Brenin Arthur ôl ei garn arni pan neidiodd i lawr o ben Moel Famau. Saif y garreg ar ymyl y briffordd A494, wedi'i chysgodi dan fwa. Gosodwyd plac Saesneg yno yn esbonio ei harwyddocad yn 1763. Bu gan y dafarn leol arwydd ar un adeg yn dangos dau ddyn yn ysgyrnygu ar ei gilydd dan y geiriau "We Three Loggerheads": y gwyliwr oedd y trydydd "loggerhead".

Ceir Parc Gwledig Loggerheads ger y pentref.

Cyfeiriadau[golygu]