Llyn Van

Oddi ar Wicipedia
Neidio i: llywio, chwilio
Ynys Akhtamar a'r eglwys Armenaidd

Llyn yn nwyrain Twrci yw Llyn Van (Twrceg: Van Gölü). Ef yw llyn mwyaf y wlad, gydag arwynebedd o 3755 km2. Mae'n 119 km ar draws yn y man lletaf, gyda dyfnder o 451 medr yn y man dyfnaf, a saif 1,640 medr uwch lefel y môr. Mae nifer o afonydd a nentydd bychain yn llifo i mewn iddo, ond nid oes yr un afon yn llifo allan. O ganlyniad, mae ei ddyfroedd yn hallt.

Ceir nifer o ynysoedd yn y llyn, yn cynnwys Ynys Akhtamar, Çarpanak Adası, Adır Adası a Kuş Adası. Mae'r trefi ar ei lan yn cynnwys Van, Tatvan, Ahlat ac Erciş.