Llyn Trawsfynydd

Oddi ar Wicipedia
Neidio i: llywio, chwilio
Llyn Trawsfynydd, yn edrych i'r de
Pont droed ar draws Llyn Trawsfynydd

Mae Llyn Trawsfynydd yn gronfa ddŵr gerllaw pentref Trawsfynydd, Gwynedd, yng ngogledd Cymru (arwynebedd 4.8 km²). Crewyd y gronfa trwy adeiladu argae ar draws Afon Prysor. Y pwrpas gwreiddiol oedd darparu dŵr ar gyfer cynhyrchu trydan yng ngorsaf drydan Maentwrog yn 1928. Yn nes ymlaen defnyddiwyd y llyn i ddarparu dŵr ar gyfer atomfa Trawsfynydd.

Erbyn hyn nid yw'r atomfa yn cynhyrchu trydan mwyach, ac mae yn y broses o gael ei datgomisiynu, ond mae dŵr o'r llyn yn parhau i gael ei ddefnyddio ar gyfer cynhyrchu trydan ym Maentwrog.