Llwyth (drama)

Oddi ar Wicipedia
Neidio i: llywio, chwilio
Poster swyddogol y ddrama
Wikiquote
Mae gan Wikiquote gasgliad o ddyfyniadau sy'n berthnasol i:

Drama Gymraeg gan Dafydd James ac a berfformiwyd yn wreiddiol gan gwmni theatr Sherman Cymru ydy Llwyth. Adrodda hanes bedwar ffrind hoyw o Gaerdydd ar noson gêm rygbi rhyngwladol. Cyfarwyddwyd y ddrama gan Arwel Gruffydd,[1] a chwaraewyd rhannau'r prif gymeriadau gan Simon Watts, Danny Grehan, Paul Morgans, Michael Humphreys a Siôn Young. Disgrifiodd Gruffydd y ddrama sydd fel Sex and the City a Queer as Folk, gydag ychydig o Braveheart ynddo hefyd.[2]

Cyhoeddwyd y ddrama gan Gwasg Cambrian, Aberystwyth gyda chymorth ariannol Cyngor Llyfrau Cymru. Yn 2011, cyhoeddwyd y byddai'r ddrama'n cael ei pherfformio yng Ngŵyl Caeredin cyn mynd am daith am yr eildro ym mis Medi a Hydref.[3]

Ymateb y beirniaid[golygu]

Derbyniodd Llwyth adolygiadau cadarnhaol iawn gan y Wasg Gymreig a'r wasg yn Lloegr. Dywedodd Nathan Williams ym mhapur newydd The Guardian am bob moment sentimental yn y ddrama

...there's a joke waiting in the wings that creases up the audience and breaks the tension. It's a very funny play, but it's also a very self-conscious one, aware that it is at times walking a tightrope between perspicacity and banality. It has that rare quality of looking and feeling as if it's been painstakingly drafted and re-drafted, combed over again and again, until every reference, every idiom, every detail, is just so.

Credai nifer o'r beirniaid fod y ddrama hefyd yn arloesol am ei bod yn delio â materion dadleuol cyfoes mewn modd diflewyn ar dafod. Dywedodd Gwyn Griffiths yn ei adolygiad ar gyfer BBC Cymru Cylchgrawn "Fedra i ddim cofio gweld drama lwyfan gyda deialog mor rhwydd a doniol, clyfar, hanner Cymraeg a hanner Saesneg, eto'n asio'n gyfanwaith cyfoethog." Dywed hefyd ei fod yn "Hyfryd gweld cast mor arbennig o gryf, pob un yn ardderchog" [4] Ategwyd hyn gan Jamie Rees o wefan Buzzmag.com pan ddywed "Once in a while a piece of theatre comes along that changes the artistic landscape of the country that produced it, taking the genre to a whole new level."

Disgrifiodd Catrin Rogers ar wefan Tuchwith fod y "script, y cyflymder, datblygiad pob un cymeriad a safon yr actio yn gwneud hon yn un o’r dramau mwyaf crefftus, difyr, dwys – a hir-ddisgwyliedig – yn hanes theatr Cymru dros y ganrif ddwytha."[5]

Yn ôl Paul Griffiths yn ei golofn ddadleuol yn Y Cymro, gyda chyrhaeddiad Dafydd James, "fod yma lais newydd, gonest, ffres a phwysig ar gyfer y Theatr Gymraeg"[6]

Dolenni allanol[golygu]

Cyfeiriadau[golygu]

  1. Llwyth begins new Chapter for Sherman Cymru Laura Chamberlain. BBC Wales Arts. 13-04-2010. Adalwyd ar 09-05-2010
  2. Theatre Preview: Part of the tribe. Wales Online. Karen Price. 09-04-2010. Adalwyd ar 09-05-2010
  3. Gwefan Sherman Cymru Adalwyd ar 16-07-2011
  4. Llwyth (Tribe) - adolygiad Gwefan BBC - Cymru - Cylchgrawn. Adalwyd ar 09-05-2010
  5. Catrin Rogers sy’n adolygu cynhyrchiad newydd Sherman Cymru. Catrin Rogers. Tuchwith.com 26-04-2010. Adalwyd ar 09-05-2010
  6. Gwefan Adolygiadau Y Cymro - http://paulpesda.blogspot.com/2010/04/llwyth.html