Llwybr Arfordir Sir Benfro

Oddi ar Wicipedia
Llwybr Arfordir Sir Benfro
Golygfa o'r llwybr ger Marloes.
Mathllwybr troed pell, Llwybr Troed Cenedlaethol Edit this on Wikidata
Daearyddiaeth
SirSir Benfro
GwladBaner Cymru Cymru
Cyfesurynnau51.8684°N 5.1805°W Edit this on Wikidata
Hyd300 cilometr Edit this on Wikidata
Map
Cychwyn y llwybr

Llwybr sy'n arwain ar hyd arfordir Sir Benfro o Landudoch ger Aberteifi i Amroth yw Llwybr Arfordir Sir Benfro. Mae'n cadw yn agos at y môr y rhan fwyaf o'r ffordd. Sefydlwyd y llwybr yn 1970, ac mae'n 186 milltir (300 km) o hyd, gyda tua 35,000 troedfedd o esgyn a disgyn. Mae'n un o wyth llwybr rhanbarthol ar Lwybr Arfordir Cymru, sy'n 870 milltir o hyd ac a agorwyd yn 2012.[1]

Mewn dau le, Dale a Sandy Haven, mae rhannau na ellir eu defnyddio ond ar lanw isel. Yn cychwyn o Landudoch, gellir aros dros nos yn y lleoedd canlynol:

Is-lwybrau lleol[golygu | golygu cod]

Ceir nifer o lwybrau lleol, llai y gellir eu defnyddio ac sy'n cychwyn ger Llwybr yr Arfordir, er enghraifft:

  • Taith gylchol Cilgerran. Disgrifir anhawster y llwybr 4.2 milltir hwn fel un 'canolig', a dylai gymryd oddeutu teirawr. Y man cychwyn ydy maes parcio Dolbadau, Cilgerran ac mae'n dilyn llwybr y goedwig i'r Ganolfan Awyr Agored. Mae'r llwybr yn ôl i Ddolbadau'n cynnwys rhannau serth drwy ddyffryn Cilgerran.
  • Llwybr feics a cherdded Neyland. Ceir wyneb caled i'r llwybr hwn sydd yn 9 km; dylai gymryd oddeutu pedair awr i'w gerdded, llai ar feic. Y man cychwyn ydy maes parcio Cei Brunel yn Neyland (OS: SM965055) ac mae'n diweddu yn Neuadd y Dref, Hwlffordd (OS: SM954155). Ar hyd y daith ceir golygfeydd hynod o Aberdaugleddau a'i fae a ddisgrifir gan rai fel y marina smartiaf yng Nghymru.[2]
  • Llwybr Llys-y-Frân, Hwlffordd. Disgrifir anhawster y llwybr 6.5 milltir hwn fel 'canolig' a dylid medru ei gerdded mewn teirawr. Gro mân neu laswellt yw ei wyneb ac mae'n cylchu argae Llys-y-Frân (OS: SN036242) a pharc gwledig Llys-y-Frân, sy'n 350 erw.[3] Mae'r llwybr a'r parc ar agor 365 diwrnod y flwyddyn o 8.00 y bore hyd fachlud haul.

Gweler hefyd[golygu | golygu cod]

Llyfryddiaeth[golygu | golygu cod]

  • Hefin Wyn, Pentigily: Dilyn Llwybr Arfordir Sir Benfro (Y Lolfa, 2008)

Cyfeiriadau[golygu | golygu cod]

  1. "All-Wales Coast Path Nears Completion". Newyddion y BBC. BBC. 17 Hydref 2011. Adalwyd 2 Ionawr 2012.
  2. Cilgerran Gorge Circular Walk Gwefan Walking Pembrokshire[dolen marw]; adalwyd 14 Awst 2013.
  3. Cilgerran Gorge Circular Walk Gwefan Walking Pembrokshire[dolen marw]; adalwyd 14 Awst 2013.

Dolen allanol[golygu | golygu cod]

Oriel[golygu | golygu cod]