Llanllwch

Oddi ar Wicipedia
Neidio i: llywio, chwilio
Brig y Faenor, Llanllwch

Pentref yng nghanolbarth Sir Gaerfyrddin ydy Llanllwch neu Llan-llwch (Cyfeirnod OS: SN3818). Mae wedi ei leoli tua ddwy filltir i'r gorllewin o dref hanesyddol Caerfyrddin, ger y ffordd A40 a'r rheilffordd o Gaerfyrddin i sir Benfro.

Mae yno wasanaeth bws yn rhedeg yn ddyddiol o'r pentref a gwasanaeth parcio a theithio yn Nantyci hanner milltir allan o'r pentref sy'n teithio i Gaerfyrddin pob pymtheg munud. Ceir eglwys sy'n cynnal gwasanaethau wythnosol ac mae milfeddygfa newydd Caerfyrddin yn y pentref.

Hanes Llanllwch[golygu]

Mae'r enw Llanllwch yn golygu "llyn" neu "pwll" a fodolodd yn yr ardal. Hen enw Cymraeg ar bwll ydy llwch fel a geir yn Talyllychau - o'r un gwreiddyn â Loch yn Gaeleg. Yn wir, yr enw Cymraeg i'r lle yn 1298 oedd Lanlok. Heddiw mae'r ardal yn dal i fod yn gorsiog ac adnabyddir yr ardal i'r dwyrian o Lanllwch yn "Llanllwch Bog" neu "Morass" fel y cafodd ei henwi yn 1811.