Llanfihangel Llantarnam
Pentref, plwyf a chymuned yn Nhorfaen yw Llanfihangel Llantarnam, weithiau Llantarnam. Hi yw'r gymuned fwyaf deheuol yn Nhorfaen, ac mae wedi datblygu yn un o faesdrefi Cwmbrân. Roedd poblogaeth y gymuned yn 2001 yn 3,299.
Sefydlwyd abaty Sistersaidd Llantarnam yma yn 1179 gan fynachod o Ystrad Fflur dan nawdd Hywel ap Iorwerth, arglwydd Caerllion. Efallai mai yng Nghaerllion y sefydlwyd y fynachlog gyntaf, ond cofnodir ei bod yn Llantarnam erbyn y 13eg ganrif. Roedd yr abad John ap Hywel yn un o brif gefnogwyr Owain Glyndŵr; lladdwyd ef ym Mrwydr Pwllmelyn yn 1405. Yn ddiweddarach, trowyd yr abaty yn blasdy, ac mae'n awr yn gartref i Chwiorydd Sant Joseff. Ceir Croes Llanfihangel Llantarnam yma.
Mae Camlas Sir Fynwy yn rhedeg trwy'r gymuned.
Abersychan · Blaenafon · Castell-y-bwch · Coed Efa · Cwmafon · Cwmbrân · Y Farteg · Garndiffaith · Griffithstown · Llanfihangel Llantarnam · Llanfrechfa · New Inn · Pant-teg · Ponthir · Pontnewynydd · Pont-y-pŵl · Sebastopol · Tal-y-waun · Trefddyn
Eginyn erthygl sydd uchod am Fwrdeistref Sirol Torfaen. Gallwch helpu Wicipedia drwy ychwanegu ato
