Lewis Roberts
| Lewis Roberts | |
|---|---|
 | |
| Ganwyd | 1596  Biwmares |
| Bu farw | 12 Mawrth 1641 Llundain |
| Dinasyddiaeth |  Cymru |
| Galwedigaeth | ysgrifennwr, masnachwr, economegydd |
Masnachwr Cymreig ac awdur llyfrau ar economeg oedd Lewis Roberts (1596 - 1640).[1] Ysgrifennodd sawl llyfr ar fasnach ac economeg ac roedd yn gyfaill i Izaak Walton ac eraill.
Bywgraffiad[golygu | golygu cod]
Ganed Lewis Roberts ym Miwmares, Môn, yn 1596, yn fab i rieni cyfoethog.[2] Teithiodd yn eang. Cafodd swydd gyda'r East India Company gan ddod yn rheolwr arno yn nes ymlaen.[1]
Ysgrifennodd arweinlyfr i fasnachu tramor sef The Merchantes Mappe of Commerce (1638), yn seiliedig ar ei brofiad o wahanol wledydd. Yn 1640, blwyddyn ei farwolaeth, cyhoeddodd The Treasure of Trafficke. Yn y llyfr hwnnw mae'r awdur yn troi at economeg wleidyddol ac yn annog gwladoli yswiriant masnachol a chael ymyrraeth y wladwriaeth mewn masnach er mwyn ei rheoli.[1]
Llyfryddiaeth[golygu | golygu cod]
- The Merchantes Mappe of Commerce (Llundain, 1638)
- The Treasure of Trafficke (Llundain, 1640)
Cyfeiriadau[golygu | golygu cod]
- ↑ 1.0 1.1 1.2 Meic Stephens (gol.), Cydymaith i Lenyddiaeth Cymru.
- ↑ National Library of Wales (1972). Cylchgrawn Llyfrgell Genedlaethol Cymru: The National Library of Wales Journal (yn Saesneg). Council of the National Library of Wales. t. 417.