Letocetum

Oddi ar Wicipedia
Neidio i: llywio, chwilio
Safle Rhufeinig Letocetum heddiw

Safle o gyfnod y Rhufeiniaid yn Swydd Stafford, gorllewin canolbarth Lloegr, yw Letocetum. Mae ei adfeilion yn gorwedd ym mhentref bychan Wall ac mae yng ngofal yr Ymddiriedolaeth Genedlaethol ac English Heritage.

Yn ddiweddarach cysylltwyd yr enw Letocetum (Lladiniad o'r enw Brythoneg *Leitocaiton "coed llwyd/glas") a dinas Lichfield (Cymraeg Canol: Caer Lwytgoed; gweler yr erthygl ar Lichfield).

Bu Letocetum yn mansio neu arosfa ger groesffordd strategol ar Stryd Watling, y ffordd Rufeinig a redai o Londinium i Ogledd Cymru (rhed yr A5 ar hyd ran o'r un llwybr), a Stryd Icknield (yr A38 heddiw).

Ceir adfeilion baddondai ac adeiladau eraill ac mae yna amgueddfa fechan ar y safle.

Dolenni allanol[golygu]