La Paz

Canol La Paz

Prifddinas weinyddol Bolifia yn Ne America yw La Paz (sy'n golygu: Yr Heddwch), neu yn llawn Nuestra Señora de La Paz (Aymara: Chuquiago Marka). Mae hefyd yn brifddinas Talaith La Paz. Yn 2001 roedd poblogaeth y ddinas yn 789,585, a phoblogaeth yr ardal ddinesig, sy'n cynnwys dinasoedd El Alto a Viacha, dros 1.6 miliwn.

Sefydlwyd y ddinas yn 1548 gan y conquistadores Sbaenig dan Alonso de Mendoza, ar safle sefydliad brodorol, Laja. Symudwyd y ddinas i'w lleoliad presennol yn nyffryn Chuquiago Marka yn ddiweddarach.

Saif yng ngorllewin y wlad, yn yr Andes, 3,600 medr uwch lefel y môr. La Paz yw'r brifddinas genedlaethol uchaf yn y byd, ac yma y ceir cwrs golff a stadiwm pêldroed uchaf y byd, ymhlith pethau eraill.

Adeiladau a chofadeiladau

• Eglwys gadeiriol
• Eglwys San Francisco
• Museo Costumbrista (amgueddfa)
• Museo Nacional de Arte (amgueddfa)
• Palas yr Arlywydd
• Tŷ Pedro Domingo Murillo

Enwogion

• Agustín Morales (1808-1872), milwr a gwleidydd
• Felipe S. Guzmán (1879-1932), gwleidydd