KwaZulu-Natal

Oddi ar Wicipedia
Neidio i: llywio, chwilio
Lleoliad KwaZulu-Natal

Un o daleithiau De Affrica yw KwaZulu-Natal. Crewyd y dalaith yn 1994 trwy uno talaith Natal a'r tiriogaethau oedd gynt yn ffurfio Teyrnas y Zulu. Roedd y boblogaeth yn 2001 yn 9,426,017. Prifddinas y dalaith yw Pietermaritzburg, a'r ddinas fwyaf yw Durban.

Yn 1839, sefydlwyd Gweriniaeth Natalia gan y Voortrekkers, ond yn 1843 meddiannwyd y dalaith gan Brydaon. Wedi diwedd Apartheid, roedd tiriogaeth y Zulu yn gadarnle Plaid Rhyddid Inkatha dan Mangosuthu Buthelezi. Pan wnaed cytundeb heddwch rhwng yr ANC ag Inkatha, ffurfiwyd taliath newydd KwaZulu-Natal. Mae brenin y Zulu, Goodwill Zwelethini kaBhekuzulu, yn parhau i deyrnasu, ond heb ran uniongyrchol yn y llywodraeth bellach.