Kung Fu Panda

Oddi ar Wicipedia
Neidio i: llywio, chwilio
Kung Fu Panda
Kung fu panda poster.jpg
Poster y ffilm
Cyfarwyddwr John Wayne Stevenson
Mark Osborne
Cynhyrchydd Melissa Cobb
Ysgrifennwr Jonathan Aibel
Glenn Berger
Stori:
Ethan Reiff
Cyrus Voris
Serennu Jack Black
Dustin Hoffman
Angelina Jolie
Ian McShane
Jackie Chan
Seth Rogen
Lucy Liu
David Cross
Randall Duk Kim
James Hong
Dan Fogler
Michael Clarke Duncan
Cerddoriaeth Hans Zimmer
John Powell
Sinematograffeg Yong Duk Jhun
Golygydd Clare de Chenu
Dylunio
Cwmni cynhyrchu DreamWorks Animation
Pacific Data Images
Dosbarthydd Paramount Pictures
Dyddiad rhyddhau Gogledd America:
6 Mehefin, 2008
Awstralia:
26 Mehefin, 2008:
Y Deyrnas Unedig:
4 Gorffennaf, 2008
Amser rhedeg 91 munud
Gwlad Unol Daleithiau America
Iaith Saesneg
(Saesneg) Proffil IMDb

Ffilm gomedi anemeiddiedig Americanaidd yw Kung Fu Panda (2008). Cafodd ei chyfarwyddo gan John Wayne Stevenson a Mark Osborne a'i chynhyrchu gan Melissa Cobb. Cynhyrchwyd y ffilm yn Stiwdios Animeddio DreamWorks yn Glendale, Califfornia a'i dosbarthu gan Paramount Pictures. Rhyddhawyd y ffilm mewn sinemau ar 6 Mehefin 2008. Mae'r ffilm yn serennu lleisiau Jack Black fel y panda, Po, ynghyd a lleisiau Dustin Hoffman, Jackie Chan, Angelina Jolie, Ian McShane, Seth Rogen, Lucy Liu, David Cross, Randall Duk Kim, James Hong, Dan Fogler, ac Michael Clarke Duncan. Lleolir y ffilm yn hen Cheina a dilyna'r ffilm hynt a helynt panda lletchwith sy'n breuddwydio am fod yn feistr kung fu. Pan mae ymladdwr brawychus yn dianc o'r carchar, daw Po yn Frwydrwr y Ddraig. Mae Dreamworks yn gweithio ar ffilm ddilynol i Kung Fu Panda sydd ar hyn o bryd yn y cyfnod ôl-gynhyrchu.

Er fod y syniad o "kung fu panda" wedi bodoli ers 1993 o leiaf, ni ddechreuwyd gweithio ar y prosiect tan 2004. Un o gyfarwyddwyr DreamWorks Animation, Michael Lachance, gafodd y syniad am y ffilm. Yn wreiddiol, bwriadwyd creu ffilm barodi ond penderfynodd y cyfarwyddwr Stevenson i greu ffilm a oedd yn efelychu ffilmiau cyffro Hong Kong, sydd yn plethu siwrnai'r prif gymeriad. Roedd yr animeiddio cyfrifiadurol yn fwy cymhleth nag unrhyw beth roedd DreamWorks wedi gwneud yn flaenorol. Fel yn achos nifer o ffilmiau animeiddiedig DreamWorks, ysgrifennwyd y sgôr gan Hans Zimmer (a gyd-weithiodd gyda John Powell). Ymwelodd â Cheina er mwyn ymgyfarwyddo â'r diwylliant ac i gwrdd â Cherddorfa Cenedlaethol Cheina.

Cast a chymeriadau

Cymeriad Actor lleisiol Anifail
Po Jack Black Panda Mawr
Master Shifu Dustin Hoffman Panda Coch
Tai Lung Ian McShane Llewpart yr Eira
Master Tigress Angelina Jolie Teigr De Tsieina
Master Viper Lucy Liu Gwiber Werdd y Coed
Master Mantis Seth Rogen Mantis Tsieina
Master Monkey Jackie Chan Langwr Euraid
Master Crane David Cross Garan Corun-goch
Master Oogway Randall Duk Kim Crwban y Galápagos
Mr. Ping James Hong Gŵydd
Zeng Dan Fogler Gŵydd
Commander Vachir Michael Clarke Duncan Rhinoseros Jafa
O'r chwith i'r dde: Masters Viper, Monkey, Mantis (ar ben Monkey), Shifu, Tigress, a Crane.

Cyfeiriadau

Animation.svg Eginyn erthygl sydd uchod am ffilm animeiddiedig. Gallwch helpu Wicipedia drwy ychwanegu ato.