Knock Nevis

Oddi ar Wicipedia
Neidio i: llywio, chwilio
Y Knock Nevis yn harbwr Dubai.
Hyd y Knock Nevis mewn cymhariaeth ag adeiladau uchaf y byd (cliciwch i weld manylion).

Llong allan o wasanaeth sy'n cael ei defnyddio fel uned storio a dadlwytho arnofol (floating storage and offloading unit neu FSO) mewn doc sych yn harbwr Dubai ac sy'n perthyn i'r cwmni Norwyaidd Fred Olsen Production yw'r Knock Nevis. Cyn hynny, roedd yn gwasanaethu fel tancer olew mawr ac yn dal y record am y llong fwyaf yn y byd. Fel tancer roedd yn cael ei adnabod fel y Seawise Giant, yr Happy Giant, a'r Jahre Viking. Cafodd ei adeiladu yn Oppama, Siapan yn 1979. Cafodd ei thynnu allan o wasaneth ar ôl dioddef niwed yn ystod Rhyfel Iran-Irac wrth forio Culfor Hormuz.

Mae gan y llong ddrafft o 24.6 m (81 troedfedd) wedi'i llwytho'n llawn, sy'n ei gwneud yn rhy fawr i forio Môr Udd hyd yn oed, heb sôn am gamlesi Suez a Panama. Mae'r Knock Nevis yn 458.45 m (1,504 tr) o hyd. Mae ei hyd yn fwy nag uchder rhai o adeiladau uchaf y byd, fel yr Empire State Building (452 m, 1,480 tr) yn Efrog Newydd.

Gweler hefyd[golygu]

Dolenni allanol[golygu]