Keith Best

Oddi ar Wicipedia
Neidio i: llywio, chwilio

Roedd Keith Lander Best (ganed 10 Mehefin 1949) yn Aelod Seneddol Ceidwadol dros Ynys Môn o 1979 hyd 1987.

Ganed Best yn Brighton, ac addysgwyd ef yng Ngholeg Brighton a Coleg Keble, Rhydychen cyn mynd yn fargyfreithiwr.

Enillodd sedd Ynys Môn, oedd wedi ei dal gan Cledwyn Hughes dros y Blaid Lafur cyn hynny. Gorfodwyd ef i ymddiswyddo yn 1987, pan erlynwyd ef ar gyhuddiad o dwyll. Roedd grŵp BT yn cael ei breifateiddio gan y llywodraeth, ac roedd gan unrhyw aelod o'r cyhoedd hawl i wneud cais am nifer cyfyngedig o gyfranddaliadau. Cyhuddid Best o fod wedi gwneud sawl cais am gyfranddaliadau, gan ddefnyddio mân amrywiadau ar ei enw ei hun. Cafwyd ef yn euog yn y llys, ac ar 30 Medi 1987, dedfrydwyd ef i bedwar mis o garchar a dirwy o £3,000. Ar 5 Hydref, diddymodd y Llys Apêl y ddedfryd o garchar, ond cynddodd y ddirwy i £4,500.

Olynwyd ef fel Aelod Seneddol Môn gan Ieuan Wyn Jones, Plaid Cymru. Yn 2000, ceisiodd Best gael ei ddewis fel ymgeisydd y Ceidwadwyr ym Môn eto, ond methodd. Yn 1993 daeth yn brif weithredwr y Gwasanaeth Cynghori ar Fewnfudiad.

Senedd y Deyrnas Unedig
Rhagflaenydd:
Cledwyn Hughes
Aelod Seneddol dros Ynys Môn
19791987
Olynydd:
Ieuan Wyn Jones