John Gotti

Oddi ar Wicipedia
Neidio i: llywio, chwilio
John Gotti

Gangster Americanaidd a phennaeth y teulu Mafia Gambino yn Ninas Efrog Newydd oedd John Joseph Gotti, Jr (27 Hydref 1940 – 10 Mehefin 2002). Gorchmynnodd fradlofruddiaeth Paul Castellano, pennaeth y teulu Gambino, ym 1985 gan adael Gotti i gipio'r arweinyddiaeth. Daeth yn enwog fel The Dapper Don am ei bersonoliaeth a'i ddillad, ac er gwaethaf ei droseddau roedd yn boblogaidd â'r cyhoedd yn Efrog Newydd, yn bennaf trigolion Queens.[1] Galwyd hefyd yn The Teflon Don am iddo osgoi ei gael yn euog mewn tri achos llys yn y 1980au, o ganlyniad i Gotti a'i gyd-droseddwyr yn ymyrryd â rheithwyr.

Llwyddodd yr FBI ac Heddlu Dinas Efrog Newydd i ddymchwel Gotti ar ddechrau'r 1990au. Cyhuddwyd o racetirio, llofruddiaeth, cynllwynio i lofruddio, usurio, gamblo anghyfreithlon, rhwystro cyfiawnder, llwgrwobrwyo, cribddail, ac osgoi treth.[2][3] Cafwyd yn euog o bob cyhuddiad ar 2 Ebrill 1992, ac ar 23 Mehefin 1992 dedfrydwyd i garchar am oes heb bosibilrwydd parôl a dirwy o $250,000.[3][4] Bu farw Gotti yn y carchar o ganser yr oesoffagws yn 2002.

Comin Wikimedia
Mae gan Gomin Wikimedia gyfryngau sy'n berthnasol i:

Cyfeiriadau[golygu]

  1. (Saesneg) 'Dapper Don' John Gotti dead. CNN (11 Mehefin 2002). Adalwyd ar 19 Awst 2012.
  2. Davis, John H. Mafia Dynasty: The Rise and Fall of the Gambino Crime Family. Efrog Newydd: HarperCollins, 1993, tt.370–371
  3. 3.0 3.1 (Saesneg) "UNITED STATES OF AMERICA, Appellee, v. FRANK LOCASCIO, and JOHN GOTTI, Defendants-Appellants.". ispn.org. United States Court of Appeals for the Second Circuit. October 8, 1993. http://www.ipsn.org/court_cases/us_v_locascio-appeal-1993-10-08.htm. Adalwyd March 9, 2012. 
  4. Davis, tt. 486–487