John Dillwyn Llewelyn

Oddi ar Wicipedia
(Ailgyfeiriad oddi wrth John Dilwyn Llywelyn)
Neidio i: llywio, chwilio
John Dillwyn Llewelyn, hunan-bortread tua 1850

Botanegydd a ffotograffydd cynnar Cymreig oedd John Dillwyn Llewelyn, ganed John Dillwyn (12 Ionawr 1810 - Awst 1882; ceir hefyd y ffurf John Dillwyn-Llewelyn weithiau).

Ganed ef yn Abertawe, yn fab hynaf Lewis Weston Dillwyn a Mary Dillwyn. Etifeddodd blasdy ei daid ar ochr ei fam, John Llewelyn, ym Mhenlle'r-gaer ac Ynysygerwn, a chymerodd y cyfenw ychwanegol Llewelyn. Addysgwyd ef yn breifat ac yn Rhydychen.

Ffotograffiaeth[golygu]

Ym mis Ionawr 1839, yn dilyn cyhoeddiadau am brosesau ffotograffig gan William Henry Fox Talbot, oedd yn berthynas i'w wraig, a Louis Jacques Mandé Daguerre, dechreuodd Dillwyn Llewelyn arbrofi. Y broses gyntaf iddo'i ymarfer oedd daguerreotype]] ond ni chredir i'r un llun oroesi'r blynyddoedd. Mae rhai o'i luniau o brosesau eraill wedi goroesi, fodd bynnag e.e. ceir sawl llun cliché verre a miloedd o luniau calotype a negyddion "collodion".

Roedd yn un o sylfaenwyr y Gymdeithas Ffotograffig Frenhinol, ac yn aelod amlwg ohoni. Roedd yn ffotograffydd tirluniau nodedig, gan ganolbwyntio ar yr ardal o gwmpas Penlle'r-gaer ac ar arfordir Cymru.

Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.
Photographer.svg Eginyn erthygl sydd uchod am ffotograffydd. Gallwch helpu Wicipedia drwy ychwanegu ato.