John Davies (hanesydd)

Oddi ar Wicipedia
Neidio i: llywio, chwilio
John Davies yn cyfarfod Wici Cymru yn y Brifysgol, Aberystwyth, Ionawr 2013.

Hanesydd Cymreig oedd John Davies (1938 - 16 Chwefror, 2015[1]), a oedd hefyd yn adnabyddus fel darlledydd. Ei lyfr enwocaf oedd Hanes Cymru (ail argraffiad 2006), sy'n cael ei ystyried gan lawer o feirniaid fel y gyfrol orau i'w chyhoeddi ar y pwnc.

Bywgraffiad[golygu]

Ganed John Davies yn y Rhondda[2], ond symudodd ei deulu i bentref Bwlchllan ger Llanbedr Pont Steffan pan oedd yn saith oed a chaiff ei adnabod gan lawer fel John Bwlchllan. Addysgwyd ef yn ysgolion Treorci, Bwlchllan a Thregaron, yna ym Mhrifysgol Cymru, Caerdydd a Choleg y Drindod, Caergrawnt. Daeth yn aelod o Adran Hanes Cymru ym Mhrifysgol Cymru, Aberystwyth ac yn Warden Neuadd Pantycelyn yno. Wedi ymddeol, symudodd i fyw i Gaerdydd. Roedd ei wraig yn frodor o Flaenau Gwent, ac roedd ganddynt ddwy ferch a dau fab.

John Davies oedd ysgrifennydd cenedlaethol cyntaf Cymdeithas yr Iaith Gymraeg.

Yn 2005 cyflwynwyd Gwobr Glyndŵr iddo yn ystod Gŵyl Machynlleth am ei gyfraniad i'r celfyddydau yng Nghymru. Bu hefyd yn olygydd cyffredinol Gwyddoniadur Cymru yr Academi Gymreig.[3]

Cyhoeddiadau[golygu]

  • Cardiff and the Marquesses of Bute (1981)
  • The green and the red : nationalism and ideology in twentieth century Wales (1984)
  • Hanes Cymru (1990) (ail-argraffiad 2006)
  • Broadcasting and the BBC in Wales (1994)
  • A history of Wales (1994) (cyfieithiad o Hanes Cymru; ail-argraffiad 2006)
  • Plaid Cymru oddi ar 1960 (1997)
  • The making of Wales (1999)
  • The Celts (2000)
  • Y Celtiaid (2001)
  • Cardiff : a pocket guide (2002)
  • Cymru: Y 100 lle i'w gweld cyn marw; Gwasg Y Lolfa (2009).[4]

Cyfeiriadau[golygu]

  1.  Historian and BBC commentator John Davies dies aged 76. Gwefan BBC News. BBC (16). Adalwyd ar 16 Chwefror 2015.
  2. BBC Wales Proffil o John Davies
  3. Gwefan Llenyddiaeth Cymru; adalwyd 05/01/2013.
  4. Gwefan y BBC; Hanesydd a ffotograffydd yn creu cyfrol ; adalwyd 05/01/2012