Jamie Robinson

Oddi ar Wicipedia
Neidio i: llywio, chwilio
Jamie Robinson
Dyddiad geni: (1980-04-07)

Ebrill 7, 1980 (34 oed)

Lle geni: Penarth, Cymru
Taldra: 1m 88
Pwysau: 97 cg
Safle: Canolwr
Gwlad: Baner Cymru Cymru
Capiau: Baner Cymru Cymru 23
Pwyntiau: Baner Cymru Cymru 35
Clwb: Agen
Cyn Glybiau: Gleision Caerdydd
Toulon

Chwaraewr Rygbi'r undeb Cymreig ydy James Peter Robinson (ganwyd 7 Ebrill 1980, Penarth) sy'n chwarae yn safle canolwr i dîm Agen a Thîm Cenedlaethol Cymru. Mynychodd Ysgol Gyfun Gymraeg Glantaf ynghyd a'i frawd ifengaf Nicky Robinson. Mae'n adnabyddadwy am ei amddiffyn, ei gyflymder a'i allu i guro amddiffynwyr. Mynychodd Jamie Wyke College ac enillodd y llysenw 'Mole' (Cymraeg: Twrch Ddaear).

Chwaraeodd dros dîm Odan 19, Odan 21 a Cymru "A" a chwaraeodd yng Nghwpan y Byd Ieuenctid yn 1999 ynghyd a aelod arall o'r Gleision, Rhys Williams, cyrhaeddodd Cymru y rownd derfynol a cholli allan i Seland Newydd. Chwaraeodd ei êm gyntaf dros Gymru yn erbyn Siapan yn 2001 gan sgorio cais. Cadwodd ei le yn y tîm cenedlaethol tan iddo gael ei anafu.

Bu i ffwrdd o'r gêm am gyfnod hir oherwydd anafiad iw ben-glin yn nechrau tymor rygbi 2004-2005, dychwelodd i'r gêm yng nghanol tymor 2005-2006. Dychwelodd i'w gyflwr gorau gan ennill le ar y tîm cenedlaethol yn chwarae yn erbyn yr Ariannin gan sgorio cais. Hwn hefyd oedd y tro cyntaf iddo ef a'i frawd Nicky Robinson, chwarae ochr yn ochr dros Gymru. Mae Jamie hewfyd yn dalrecord, ynghyd â Kevin Morgan, am y nifer mwyaf o geisiadau a sgorwyd mewn tymor Cynghrair Geltaidd, sgoriodd y ddau 12 cais mewn tymor. Mae Jamie yn nôl yn nhîm cymru ar gyfer tymor Pencampwriaeth y Chwe Gwlad 2007.