James Cameron
| James Cameron | |
|---|---|
 |
|
| Geni | 16 Awst, 1954 Kapuskasing, Ontario, Canada |
| Enwog am | Terminator 2: Judgment Day, Titanic, Avatar |
| Galwedigaeth | Cyfarwyddwr, Cynhyrchydd, Sgriptiwr |
Mae James Francis Cameron (ganed 16 Awst 1954) yn gyfarwyddwr, cynhyrchydd a sgriptiwr Canadaidd-Americanaidd sydd wedi ennill Gwobr yr Academi. Ysgrifennodd a chynhyrchodd ffilmiau yn armywio o Terminator 2: Judgment Day i Titanic. O ran themâu, mae ffilmiau Cameron yn dueddol o astudio'r berthynas rhwng y ddynoliaeth a thechnoleg. Crëodd Cameron y gyfres o ffilmiau Terminator, gan weithio fel cyfarwyddwr a chyd-sgriptiwr y ffilmiau The Terminator a Terminator 2: Judgment Day. Yn ddiweddarach, ysgrifennodd a sgriptiodd y ffilm Titanic, a enillodd unarddeg o Wobrau'r Academi ac a wnaeth dros $1.8 biliwn yr Unol Daleithiau (UDA) yn fyd-eang. Ar hyn o bryd, mae'r ffilmiau a gyfarwyddwyd ganddo wedi codi tua $3biliwn (UDA), heb ystyried chwyddiant. Ar ôl cyfnod o gynhyrchu ffilmiau, trodd Cameron ei olygon at ffilmiau dogfen a datblygu'r System Gamera Uno 3-D ar y cyd. Ar hyn o bryd, mae'n bwriadu dychwelyd i gynhyrchu ffilmiau gyda'r ffilm wyddonias Avatar a fydd yn defnyddio'r dechnoleg System Gamera Uno 3-D. Disgwylir y bydd Avatar yn cael ei rhyddhau ym mis Rhagfyr 2009.
Caiff Cameron ei adnabod am ei ffilmiau sydd yn aml yn hynod flaengar, creadigol ac yn llwyddiannus o safbwynt ariannol, yn ogystal â'i dymer ffrwydrol a'i bersonoliaeth dadleugar.
|
|||||||||||
