Iolo ap Dafydd

Oddi ar Wicipedia
Iolo ap Dafydd
Ganwyd1963 Edit this on Wikidata
Man preswylGwlad Belg, Yr Iseldiroedd Edit this on Wikidata
DinasyddiaethBaner Cymru Cymru
Galwedigaethnewyddiadurwr Edit this on Wikidata
Cyflogwr
TadDafydd Parri Edit this on Wikidata

Newyddiadurwr a chyflwynydd teledu a radio Cymreig yw Iolo ap Dafydd (ganwyd Tachwedd 1963). Hyd at 2016 roedd yn Ohebydd Amgylchedd a Materion Gwledig BBC Cymru.[1]

Daw ap Dafydd o Lanrwst, Dyffryn Conwy yn wreiddiol, ond bellach mae’n byw yng Nghaerdydd. Mae'n fab i'r awdur plant Dafydd Parri.[2] Mae hefyd wedi treulio cyfnodau yn byw yng Ngwlad Belg, yr Iseldiroedd, Israel a Seland Newydd.

Graddiodd o Adran Gymraeg Prifysgol Cymru, Bangor.[3] Bu'n gweithio fel ymchwilydd, is-gynhyrchydd a chyflwynydd rhai o raglenni HTV Cymru, Channel 4 ac S4C cyn ymuno â’r BBC ym 1993 fel Gohebydd Chwaraeon yn y Gymraeg ar raglen Newyddion BBC Cymru, ac fe’i enwebwyd â chanmoliaeth uchel ar gyfer gwobr BT Welsh Sports Journalist of the Year yn 2002. Aeth ymlaen i weithio fel gohebydd Ewropeaidd y BBC. Mae wedi cael y cyfle i adrodd y newyddion o bedwar ban y byd; o Efrog Newydd yn dilyn ymosodiadau 11 Medi, o Affganistan, Oman, Israel, Gwlad Iorddonen, Kuwait ac Irac, roedd yn gohebu o Hilla pan ddarganfuwyd y beddau torfol.

Ymunodd â thîm rhaglen Post Cyntaf BBC Radio Cymru ar ddydd Gŵyl Dewi 2004, ac bu hefyd yn gohebu ar raglen Week In Week Out yn 2004.[4]

Fe adawodd y BBC yn Ionawr 2016,[5] ac ymunodd â sianel TRT World yn Istanbul fel gohebydd newyddion.[6]

Cyfeiriadau[golygu | golygu cod]

  1.  O Flaen Dy Lygaid: Dyfroedd Dyfnion. S4C.
  2.  Eisteddfod Genedlaethol 2013. BBC Cymru. Adalwyd ar 14 Ebrill 2016.
  3.  Ble mae ein cyn-fyfyrwyr?. Prifysgol Bangor.
  4.  Yr wythnos hon, yr holwr Iolo ap Dafydd, sydd dan y chwyddwydr…. Yr Academi (Chwefror 2005).
  5.  Iolo ap Dafydd (26 Ionawr 2016). ffarwel hyfryd gan gydweithwyr BBC Cymru. Twitter. Adalwyd ar 13 Ebrill 2016.
  6. (Saesneg) Linked In - Iolo. Adalwyd ar 22 Ionawr 2018.

Dolenni allanol[golygu | golygu cod]