Huw Stephens

Oddi ar Wicipedia
Neidio i: llywio, chwilio
Huw (prif lun) ar glawr cylchgrawn Golwg, 18 Hydref 2007

Cyflwynwr radio ydy Huw Stephens yn bennaf, yn troi ym myd cerddoriaeth. Mae Huw yn cyflwyno rhaglen C2 ar BBC Radio Cymru, ac mae hefyd yn cyflwyno'r rhaglen deledu Bandit ar S4C.

Bywgraffiad[golygu]

Ganwyd Stephens yng Nghaerdydd yn 1981, yn fab i'r llenor Meic Stephens.

Dechreuodd Stephens ar yr awyr yn 1999, pan oedd yn ddim ond 17 oed, ar Radio 1 fel rhan o'u darlledu rhanbarthol newydd yng Nghymru. Cyflwynodd ar y cyd gyda Bethan Elfyn, ac roedd y cyflwydydd ieuengaf erioed i weithio ar Radio 1.

Yn 2005, dechreuodd Stephens ddarlledu ar drwy Wledydd Prydain, wedi marwolaeth John Peel fel un o'i olynyddion yn elfen One Music Radio 1. Bwriad hwn oedd i gadw ysbryd rhaglen John Peel yn fyw. Mae One Music wedi gorffen erbyn hyn ond mae Huw yn dal i ddarlledu yn hwyr yn y nos ac yn cymryd lle Steve Lamacq a Zane Lowe pan mae nhw ar eu gwyliau. Mae hefyd yn cyflwyno 'podcast' wythnosol Radio 1, sef "Huw Stephens Introducing...' (A.K.A. Best Of Unsigned)".

Sefydlodd Stephens label recordio Boobytrap Records yn 2000 ynghyd â ffrind, ond daeth y label i ben yn 2007. Mae rwan yn ysgrifennu a rhedeg label Am.[1]

Sefydlodd ŵyl gerddoriaeth newydd ar gyfer Caerdydd yn 2007. Cynhaliwyd Sŵn am y tro cyntaf ar 911 Tachwedd 2007 mewn 13 lleoliad ar draws y ddinas. Mae'r ŵyl yn dod a bandiau, DJs a pherfformwyr cyffrous, o Gymru a ledled Prydain, at eu gilydd i ganol Caerdydd ynghyd a chelf a ffilm.

Mae gan Stephens golofn wythnosol ym mhapur newydd y Western Mail. Yn ôl ei dad, "Pan oedd e'n ifanc iawn, ac yn dechrau ysgrifennu, roeddd e'n dueddol o ysgrifennu ar ddarnau o bapur o gwmpas y tŷ. Dw i'n cofio gweld nodyn un tro yn dweud, 'Ai opynd ddy dôr and ai dropt on ddy fflôr'!"[2] Mae hefyd wedi ysgrifennu ar gyfer Kruger Magazine, The Independent, The Mirror, NME ac mae wedi bod yn olygydd gwadd ar gyfer blog cerddoriaeth The Guardian.

Dolenni Allanol[golygu]

Cyfeiriadau[golygu]

  1. (Saesneg) Safle MySpace Huw Stephens
  2. O'r sioeau hud i gerddoriaeth byd: Portread o Huw Stephens, Golwg, 18 Hydref 2007
Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.