Humphrey Lhuyd

Oddi ar Wicipedia
Neidio i: llywio, chwilio
Humphrey Lhuyd

Meddyg, cartograffydd, hynafiaethydd ac awdur Cymreig oedd Humphrey Lhuyd, weithiau Humphrey Llwyd (1527 - 31 Awst 1568).

Bywgraffiad[golygu]

Ganed ef yn Ninbych, ac addysgwyd ef yn Rhydychen. Bu'n feddyg preifat i Arglwydd Arundel am gyfnod, cyn dychwelyd i Ddinbych yn 1563. Priododd Barbara, aeres yr Arglwydd Lumley, a bu iddynt bedwar o blant. Bu farw yn Ninbych, a chladdwyd ef yn yr Eglwys Wen yno.

Yn ogystal a'r cyhoeddiadau a nodir isod, cyhoeddodd Lhuyd The Description of Cambria, fersiwn wedi ei helaethu o lyfryn gan Syr John Price, Aberhonddu. Defnyddiodd David Powel y gwaith yma fel sylfaen i'w lyfr The Historie of Cambria (1584).

Map o Gymru gan Llwyd a gyhoeddwyd yn Atlas Lord Burghley yn 1579.

Roedd yn adnabod Abraham Ortelius, ac ymddangosodd dau fap o waith Lhuyd fel atodiad i Theatrum Orbis Terrarum Ortelius yn 1573, un o Gymru ac un o Gymru a Lloegr. Rhain oedd y mapiau cyntaf o'r gwledydd yma i'w hargraffu ar wahan.

Cedwir ar glawr marwnad iddo gan Lewis ab Edward.

Cyhoeddiadau[golygu]

  • An Almanack and Kalender containing the Day, Hour, and Minute of the Change of the Moon for ever
  • De Mona Druidium Insulâ (sef 'Ynglŷn â Derwyddon Ynys Môn')
  • Commentarioli Descriptionis Britannicae Fragmentum (Cwlen, 1572) - cyfieithwyd i'r Saesneg gan Thomas Twyne fel The Breviary of Britayne (1573)
  • The Treasury of Health (1585)

Dolen allanol[golygu]