Hermann Göring

Oddi ar Wicipedia
Neidio i: llywio, chwilio
Göring yn fuan wedi iddo gael ei gymeryd i'r ddalfa yn 1945

Un o brif arweinwyr y llywodraeth a'r blaid Natsïaidd yn yr Almaen oedd Hermann Wilhelm Göring, hefyd Goering (12 Ionawr 1893 - 15 Hydref 1946).

Ganed ef yn Rosenheim, Bafaria. Daeth i amlygrwydd fel awyrennwr yn ystod y Rhyfel Byd Cyntaf; saethodd 22 o awyrennau'r gelyn i lawr, a dyfarnwyd y medal Pour le Mérite iddo.

Daeth yn ffigwr amlwg yn y Blaid Natsïaidd yn y cyfnod cyn iddi ddod i rym, ac wedi i Adolf Hitler ddod yn Ganghellor yr Almaen, daliai Göring nifer o swyddi pwysig. Yn eu plith, roedd yn bennaeth y Luftwaffe, llu awyr yr Almaen, ac ef oedd wedi ei nodi fel olynydd Hitler.

Wedi diwedd yr Ail Ryfel Byd, ef oedd yr amlycaf o'r diffinyddion a roddwyd ar eu prawf yn Nhreialon Nuremberg. Cafwyd ef yn euog a'i ddedfrydu i farwolaeth, ond y noson cyn y diwrnod a benodwyd ar gyfer ei grogi, lladdodd ei hun trwy gymeryd gwenwyn.