Henryk Górecki

Oddi ar Wicipedia
Neidio i: llywio, chwilio
Henryk Górecki ym 1993

Cyfansoddwr clasurol cyfoes o Wlad Pwyl oedd Henryk Mikołaj Górecki (ynganiad Pwyleg: [ˈxɛnrɨk mʲiˈkɔwaj ɡuˈrɛtski]) (6 Rhagfyr, 193312 Tachwedd 2010).

Gyrfa[golygu]

Cafodd ei eni yn Czernica, Silesia, Gwlad Pwyl. Astudiodd Górecki yn Ysgol Uwchradd Gerddoriaeth, yn Katowice rhwng 1955 a 1960. Ym 1968, ymunodd â'r gyfadran a ddaeth yn brofost cyn ymddiswyddo ym 1979. Daeth Górecki yn ffigur blaenllaw yn avant-garde Gwlad Pwyl yn sgîl y dadmer ddiwylliannol wedi ymadawiad Stalin. Roedd dylanwad Webern i'w weld ar ei gyfansoddiadau cyfresol yn y 1950au a'r 1960au, oedd yn glynnu'n gaeth wrth reolau modernaeth anghyseiniol. Dylanwadau eraill arno oedd Luigi Nono, Karlheinz Stockhausen, Krzysztof Penderecki a Kazimierz Serocki. Parhaodd yn y cyfeiriad hwn trwy gydol y 1960au, ond yng nghanol y 1970au, newidiodd ei arddull i un syml, minimalaidd, sanctaidd. Ei drydedd symffoni yw'r enghraifft amlycaf o hyn, a'r unig un o'i gyfansoddiadau ddaeth yn wirioneddol adnabyddus. Datblygodd ei arddull ymhellach mewn gweithiau megis Beatus Vir (1979), Miserere (1981), Kleines Requiem für eine Polka (1993) a'i requiem ddiweddar Good Night. Ar wahân i ddau gyfnod byr ym Mharis a chyfnod ym Merlin, bu Górecki'n byw yn ne Gwlad Pwyl am rhan fwyaf ei oes. Erys yn gyfansoddwr crefyddol yn bennaf.

Comin Wikimedia
Mae gan Gomin Wikimedia gyfryngau sy'n berthnasol i:
Baner Gwlad PwylEicon person Eginyn erthygl sydd uchod am Bwylwr neu Bwyles. Gallwch helpu Wicipedia drwy ychwanegu ato.