Harri Potter

Oddi ar Wicipedia
(Ailgyfeiriad oddi wrth Harry Potter)
Neidio i: llywio, chwilio
Harry Potter
 Arfbais Hogwarts, sy'n cynnwys lliwiau Lleureurol ysgarlad ac aur gyda'r Llew, Wfftipwff melyn a du gyda'r mochyn daear, Crafangfran efydd a glas gyda'r Eryr, a Slafennog gwyrdd ac arian gyda'r Sarff.
Arfbais Hogwarts, sy'n cynrychioli'r pedwar Tŷ (yn glocwedd o'r dde dop: Slafennog, Crafangfran, Wfftipwff, a Lleureurol), gydag arwyddair yr ysgol, sy'n golygu "peidio byth â gogleisio draig sy'n cysgu".[1]
Awdur J. K. Rowling
Gwlad Y Deyrnas Unedig
Math Ffantasi, ffuglen oedolyn ifanc, dirgel, cyffrous, Bildungsroman, dod i oed
Cyhoeddwr Bloomsbury Publishing
Dyddiad cyhoeddi 29 Mehefin 1997 – 21 Gorffennaf 2007
Math o'r cyfryngau Print (clawr caled a chlawr papur)
Awdiolyfr

Cyfres o saith nofel ffantasi a ysgrifennwyd gan yr awdures Seisnig J. K. Rowling yw Harry Potter. Mae'r llyfrau yn croniclo anturiau dewin llencynnaidd o'r enw Harri Potter a'i ffrindiau gorau, Ron Weasley ac Hermione Granger, lle maent i gyd yn astudio yn Ysgol Hudoliaeth a Dewiniaeth Hogwarts. Prif thema'r llyfrau yw cwest Harri i oresgyn y dewin drwg, tywyll, Lord Voldemort, sydd gan yr amcan o ddarostwng pobl di-hud, gorchfygu'r byd hudol, ac i ddinistrio pawb a phopeth sy'n ei rwystro rhag cyflawni hyn, yn enwedig Harri Potter.

Mae Ysgol Hogwarts yn le saff iawn, heblaw am ambell i ellyll mynydd neu neidr enfawr yn y toiledau. Mae llawer o athrawon anhygoel, yn cynnwys rhai sy'n ceisio eich lladd, ac ambell un sydd yn trio eich dysgu am hanes eich bywyd yn unig yn lle pynciau.

Ers 29 Mehefin 1997 pan ryddhawyd y nofel gyntaf, Harri Potter a Maen yr Athronydd (Saesneg gwreiddiol: Harry Potter and the Philosopher's Stone), mae'r llyfrau wedi ennill poblogrwydd anferth, cymeradwyo beirniadol, a llwyddiant masnachol ledled y byd.[2] Mae'r gyfres hefyd wedi cael ei barnu, gan gynnwys pryder ynghylch y naws ddrwg gynyddol. Ers Mehefin 2011, mae'r gyfres lyfrau wedi gwerthu tua 450 miliwn o gopïau, yn ogystal â chael ei chyfieithu i mewn i 67 iaith,[3][4] gan gynnwys y Gymraeg.

Mae'r gyfres yn cynnwys llawer o genres, gan gynnwys ffantasi a dod i oed (gydag elfennau o ddirgelwch, cyffrous, a rhamant), ac mae llawer o gyfeiriadau ac ystyron diwylliannol ganddi.[5][6][7][8] Yn ôl Rowling, prif thema'r llyfrau ydy marwolaeth,[9] ond ystyria'r gyfres fel gwaith llenyddiaeth i blant. Mae llawer o themâu eraill yn y gyfres, megis cariad a rhagfarn.[10]

Prif gyhoeddwyr y llyfrau gwreiddiol Saesneg oedd Bloomsbury yn y Deyrnas Unedig; cyhoeddwyd y llyfrau gan wahanol gyhoeddwyr ledled y byd erbyn hyn. Addaswyd y gyfres i gynhyrchu wyth ffilm gan Warner Bros. Pictures, gyda rhannu'r seithfed llyfr yn ddwy ffilm; hi yw'r gyfres ffilmiau crynswth mwyaf yn hanes y byd. Mae llawer o nwyddau yn sgìl y ffilmiau hefyd, sy'n werth mwy na $15 billion.[11]

Harri Potter a'r Gymraeg[golygu]

Plot[golygu]

Gweler hefyd: Cyfanfyd Harri Potter.

Mae'r nofelau yn dilyn bywyd Harri Potter; plentyn amddifad sy'n darganfod mai dewin ydyw yn un ar ddeg oed, wrth iddo fyw yn y byd cyffredin ymhlith pobl di-hud, neu'r byd Mygl.[12] Ganwyd ef gyda dewiniaeth yn gynhenid ynddo, a gwahoddir plant hudol i ysgol sy'n addysgu'r sgiliau angenrheidiol er mwyn iddynt ymdopi yn y byd hudol.[13] Daw Harri'n fyfyriwr yn Ysgol Hudoliaeth a Dewiniaeth Hogwarts ac mae'r mwyafrif o anturiau Harri Potter yn digwydd yn yr ysgol. Wrth i Harri heneiddio, mae e'n dysgu goresgyn y problemau sy'n ei wynebu: problemau hudol, cymdeithasol, ac emosiynol, gan gynnwys heriau cyffredin i'r arddegau, megis cyfeillgarwch ac arholiadau, a'r her fwyaf o baratoi ei hunan ar gyfer y gwrthdaro sydd o'i flaen.[14]

Mae pob llyfr yn croniclo un flwyddyn Harri[15] gyda'r prif naratif yn digwydd rhwng 1991 a 1998.[16] Mae gan y llyfrau lawer o ôl-fflachiau, a gânt eu profi gan Harri yn gweld atgofion cymeriadau eraill mewn dyfais o'r enw Pensieve.

Cyfeiriadau[golygu]

  1.  Visitor's Guide to Hogwarts. The Harry Potter Lexicon (21 Mai 2009).
  2. Allsobrook, Dr. Marian. Potter's place in the literary canon , BBC, Nodyn:DyddiadFformat. Cyrchwyd ar Nodyn:DyddiadFformat.
  3. Rowling 'makes £5 every second' , British Broadcasting Corporation, Nodyn:DyddiadFformat. Cyrchwyd ar Nodyn:DyddiadFformat.
  4.  All Time Worldwide Box Office Grosses. Box Office Mojo, LLC. (1998–2008).
  5.  Living with Harry Potter. BBC Radio 4 (10 Rhagfyr 2005).
  6.  Harry Up!. ew.com (2000).
  7.  Nancy Carpentier Brown (2007). The Last Chapter. Our Sunday Visitor.
  8.  J. K. Rowling. J. K. Rowling at the Edinburgh Book Festival.
  9. Geordie Greig. 'There would be so much to tell her...' , Daily Telegraph, Nodyn:DyddiadFformat. Cyrchwyd ar Nodyn:DyddiadFformat.
  10. Interview with Steve Kloves and J.K. Rowling , Quick Quotes Quill, Nodyn:DyddiadFformat.
  11.  Business big shot: Harry Potter author JK Rowling.
  12. Lemmerman, Kristin. Review: Gladly drinking from Rowling's 'Goblet of Fire' , CNN, Nodyn:DyddiadFformat. Cyrchwyd ar Nodyn:DyddiadFformat.
  13. Gwall cyfeirio: Tag <ref> annilys; ni osodwyd unrhyw destun ar gyfer y 'ref' muggle_guide
  14.  Plot summaries for the first five Potter books. SouthFlorida.com (14 Gorffennaf 2005).
  15. Foster, Julie. Potter books: Wicked witchcraft? , Nodyn:DyddiadFformat.
    • Sefydlwyd y blynyddoedd gyntaf gan gacen mawrddydd Nearly Headless Nick yn yr ail lyfr, sy'n nodi ail flwyddyn Harri yn yr ysgol yn digwydd rhwng 1992–93.
    • Sefydlwyd y blynyddoedd hefyd gan farwolaeth rheini Harri yn y llyfr olaf