Hafod Eryri
 | |
| Math | adeilad  |
|---|---|
| Daearyddiaeth | |
| Sir | Gwynedd |
| Gwlad |  Cymru |
| Cyfesurynnau | 53.068497°N 4.076231°W |
 | |
Canolfan ymwelwyr a thŷ bwyta ar ben yr Wyddfa ydy Hafod Eryri, a agorwyd yn 2009.
Datblygu[golygu | golygu cod]
Cytunodd Awdurdod Parc Cenedlaethol Eryri i ddatblygu canolfan ymwelwyr a chaffi newydd ym mis Ebrill 2006.[1] Erbyn canol mis Hydref 2006, roedd yr hen adeilad wedi cael ei ddymchwel mwy neu lai.
Yr agoriad swyddogol[golygu | golygu cod]
Agorwyd yr adeilad yn swyddogol ar 12 Mehefin 2009 gan y Gwir Anrhydeddus Rhodri Morgan AC, Prif Weinidog Cymru.[2]
Awdurdod Parc Cenedlaethol Eryri ydy perchennog yr adeilad, sydd hefyd yn ganolfan ymwelwyr ac a adeiladwyd gan Carillion ar gost o £8.35m.[3] Adeiladwyd y ganolfan, a gynlluniwyd gan Ray Hole Architects, i wrthsefyll tywydd eithafol iawn ar y copa; gall wrthsefyll gwyntoedd hyd at 150 mya, dros 5m o law bob blwyddyn a thymheredd o -20 °C. Yn Eisteddfod Genedlaethol Cymru Meirion a'r Cyffiniau 2009, dyfarnwyd y Fedal Aur am Bensaernïaeth i benseiri'r ganolfan.
Cyfansoddwyd cerdd ar gyfer yr adeilad newydd, gan y Bardd Cenedlaethol Gwyn Thomas, sy'n cael ei harddangos ar yr adeilad a'i ffenestri:
"Copa'r Wyddfa: yr ydych chwi yma, yn nes at y nefoedd."[4]
Bwyd[golygu | golygu cod]
Cafwyd beirniadaeth hallt o safon y bwyd yn y Telegraph yn Awst 2009 pan ddatgelwyd nad oedd y caffi ddim yn haeddu yr un seren a dywedwyd ei fod yn rhy brysur, gyda chiwiau "gwaeth na sêl; Harrods".
Yn ôl Jasper Gerard, The view is amazing apparently, if the cloud, mist and sleet clears in Wales during high summer. Dywedodd am y bwyd, Let me tell you it includes Knorr Cup-a-Soup. This must be the world's only £8 million restaurant to forget the food. [5]
Gweler hefyd[golygu | golygu cod]
Cyfeiriadau[golygu | golygu cod]
- ↑ Snowdon centre deal agreed. Daily Post (2006-04-06).
- ↑ Summit cafe on Snowdon opened by First Minister Rhodri Morgan. Demotix (2009-06-12).
- ↑ £8.4m Snowdon summit cafe opens. BBC (2009-06-12).
- ↑ Y Cymro, 13 Gorffennaf 2007
- ↑ Restaurant review: Summit Cafe in Snowdonia and Castle Cottage in Gwynedd, The Telegraph, 7 Awst 2009