Haffouz

Oddi ar Wicipedia
Neidio i: llywio, chwilio

Tref yng nghanolbarth Tiwnisia yw Haffouz (Arabeg: حفوز). Fe'i lleolir yn nhalaith Kairouan 40 km i'r dwyrain o ddinas Kairouan ar gyffordd ar y briffordd GP12.

Bu gan y dref ei hun boblogaeth o 8,225 yn 2004.[1] Yn ogystal mae'n ganolfan weinyddol dosbarth (délégation) gyda phoblogaeth o 43,792. Yn ogystal â'r dref, mae'r dosbarth yn cynnwys pentrefi Khit El Oued, Oued El Jebbès, El Aïn El Beïdha, El Houfia, Cherichira — lle ceir gwarchodfa natur — Traza, Ouled Khalfallah ac Etthamed.

Yn gorwedd 300 metr i fyny ym mynyddoedd Dorsal Tiwnisia, amgylchynir Haffouz gan fryniau Djebel Ousselat (i'r gogledd) a Djebel Trozza (i'r de).

Mae'n ganolfan i ardal amaethyddol sy'n cael cyflenwad dŵr o argae El Haouareb. Tyfir coed olewydd ac almon. Gorwedd yr ardal honno ar lan ogleddol afon Oued Merguellil.

Cafwyd protestiadau gan fyfyrwyr Haffouz yn Ionawr 2011, fel rhan o'r intifada yn erbyn llywodraeth Zine Ben Ali.[2]

Cyfeiriadau[golygu]

Dolenni allanol[golygu]