Gwydr lliw

Rhan o ffenestr wydr lliw yn adrodd hanes Moses yn Eglwys Gadeiriol Cwlen.

Gall gwydr lliw gyfeirio at unrhyw wydr sydd wedi ei liwio, ond fel rheol mae'n cyfeirio ar ffenestri lle defnyddir darnau o wydr o wahanol liwiau i greu llun neu batrwm. Mae gwydr lliw o'r math yma yn arbennig o nodweddiadol o eglwysi.

Ceir ychydig o esiamplau mewn eglwysi yn dyddio o'r 11eg ganrif a'r 12fed ganrif. Mae ffenestri lliw yn arbennig o nodweddiadol o adeiladau eglwysig yn yr arddull Gothig o'r 13eg ganrif ymlaen.

Ymhlith yr esiamplau enwocaf, mae'r gwydr lliw yn eglwys y Sainte Chapelle ym Mharis, yn Eglwys Gadeiriol Chartres ac yn Eglwys Gadeiriol Cwlen.