Gorsaf reilffordd Pwllheli

Oddi ar Wicipedia
Neidio i: llywio, chwilio
Cyfesurynnau: 52°53′17″N 4°25′01″W / 52.888°N 4.417°W / 52.888; -4.417
Pwllheli National Rail logo.svg
An Arriva Wales train stands in the terminus station at Pwllheli - geograph.org.uk - 1027856.jpg
Lleoliad
Lleoliad Pwllheli
Awdurdod lleol Gwynedd
Gweithrediadau
Côd gorsaf PWL
Rheolir gan Trenau Arriva Cymru
Nifer o blatfformau 1
Cyraeddiadau/gwyriadau fyw a gwybodaeth orsaf
gan National Rail Enquiries
Defnydd teithwyr blynyddol
2008-09 Green Arrow Up.svg 69,058
2009-10 Green Arrow Up.svg 71,756
2010-11 Red Arrow Down.svg 68,198
2011-12 Red Arrow Down.svg 62,592
2012-13 Red Arrow Down.svg 44,520

Mae gorsaf reilffordd Pwllheli yn orsaf reilffordd sy'n gwasanaethu tref arfordirol Pwllheli ar Benrhyn Llŷn yng Ngwynedd, Cymru. Dyma derfynfa Rheilffordd Arfordir Cambria.

Hanes[golygu]

Cafodd yr orsaf wreiddiol ei hadeiladu ym 1869 gan Reilffordd Aberystwyth ac Arfordir Cymru, un o gwmnïau Rheilffyrdd y Cambrian.

Yn dilyn adfer tir, cafodd y rheilffordd ei hymestyn i'r gorllewin, yn nes at ganol y dref, a gorsaf newydd yn cael ei hagor ar y safle presennol ym 1909. Roedd yr orsaf yn cynnwys dau blatfform a doc llwytho bychan, cynllun a oroesodd tan y cyfnod o "resymoli" ym 1976.

Cafodd iard nwyddau ei datblygu ar safle'r orsaf wreiddiol. Roedd y safle hefyd yn cynnwys trofwrdd sydd bellach ym meddiant Rheilffordd Gorllewin Gwlad yr Haf.

Dyblodd y Great Western Railway y linell rhwng yr orsaf a'r iard nwyddau er mwyn cynyddu cynhwysedd, ond cafodd yr arwyddion eu tynnu yn 1976 ac mae'r adran trac dwbl yn awr yn ffurfio run-round loop hir ar gyfer trenau siarter.

Cyn cau'r lein Afon Wen i Gaernarfon yn 1964, roedd dau wasanaeth cyflym yn ystod yr haf rhwng Pwllheli a Llundain.

Ar 12 Medi 1976, cafodd y ddau flwch arwydd yn yr orsaf ei chau. Cafodd y nifer o lwyfannau eu lleihau i un. Mae archfarchnad wedi cael ei ddatblygu ar y tir diangen.

Gwasanaethau[golygu]

Mae gwasanaethau teithwyr yn cael eu gweithredu gan Drenau Arriva Cymru ac yn gadael o Bwllheli i Fachynlleth, Amwythig a Birmingham. Mae pob gwasanaeth yn cael eu gweithredu gan ddefnyddio trenau Dosbarth 158. Mae gwasanaethau siarter hefyd yn achlysurol yn dod i ben yn yr orsaf.

Ers Tachwedd 2013, does dim o wasanaethu rhwng Harlech a Phwllheli gan gaeir y Bont Briwet ger Llandecwyn, tan gwblhad pont newydd yn 2015; ond oes gwasanaeth bysiau dros dro.