Fraubrunnen

Oddi ar Wicipedia
Neidio i: llywio, chwilio
Arfbais Fraubrunnen

Pentref a chymuned yng nghanton Bern yn y Swistir yw Fraubrunnen. Saif 8 km i'r gogledd-orllewin o Burgdorf a 16 km i'r gogledd ddwyrain o ddinas Bern, ar yr hen biffordd o Bern i Solothurn. Roedd poblogaeth y gymuned yn 1,741 yn 2007, gyda 95.5% o'r rhain yn siarad Almaeneg fel mamiaith.

Sefydlwyd Abaty Fraubrunnen gan y Sistersiaid yn 1246, a datblygodd yn sefydliad pwysig a chyfoethog. Yn ystod Rhyfel y Gugler yn 1375, llosgwyd yr abaty gan ran o fyddin y Gugler dan Owain Lawgoch. Gorchfygwyd y Gugler gan fyddin Bern yma ar 27 Rhagfyr 1375, ac er i Owain ei hun fedru dianc, lladdwyd 800 o'r marchogion Gugler.