Ffont-y-gari

Oddi ar Wicipedia
Neidio i: llywio, chwilio

Pentref ger Y Rhws ar arfordir Bro Morgannwg, de Cymru, yw Ffont-y-gari (llurguniad Saesneg: Fontegary).

Gorwedd y pentref i'r de-orllewin o'r Barri ger Maes Awyr Rhyngwladol Caerdydd, prif faes awyr y wlad. I’r gogledd mae Fonmon a Chastell Fonmon.

Mae tarddiad yr enw yn ansicr, ond yn 1587, roedd e wedi ei gofnodi fel “Fundygary”.

Nid oes llawer yn y pentref bychan heblaw tai, gwersyllfa gwyliau a thraeth caregog. Ar Dydd Sul, mae yna arwerthiant cist ceir yn y wersyllfa gwyliau. Mae yna chwarel rhwng Font-y-Gary ac Aberthaw sydd ddim yn cael ei ddefnyddio.

Yn 1928 roedd Ffont-y-gari yn lle poblogaidd i gael picnic, ac yn 1943, cafodd Ffont-y-gari ei ddisgrifio fel “cyrchfa haf dymunol gyda thraeth hyfryd ar gyfer ymdrochfa, yn ymyl elltydd ysgithrog sydd yn creu cefndir hyfryd - a hefyd lle cyfleus i nofiwr i newid ei ddillad.” Mae’r traeth creigiog a’r elltydd yn hynod ac mae yna ogof fawr o’r enw Ogof Ffont-y-gari. Yn y 1960au, lluniodd Francis Lymburner arfordir Ffont-y-gari yn ei luniau pen ac inc Cymreig. Aeth yr actores Susan George ar ei gwyliau yn y wersyllfa gwyliau fel plentyn.


CymruBroMorgannwg.png Eginyn erthygl sydd uchod am Fro Morgannwg. Gallwch helpu Wicipedia drwy ychwanegu ato.