Ffederasiwn Cenedlaethol Clybiau Ffermwyr Ifanc

Ffederasiwn Cenedlaethol Clybiau Ffermwyr Ifanc yw'r gymdeithas ieuenctid gwledig mwyaf o'i fath drwy Ewrop. Mae'r Ffederasiwn yn cynnwys amryw o Glybiau Ffermwyr Ifanc (CFfI) ar draws Cymru a Lloegr, gan helpu i gefnogi pobl ifanc ym myd amaeth a chefn gwlad. Mae wedi tyfu i gynnwys 659 o glybiau yng Nghymru a Lloegr. Nid yw'r ffederasiwn yn cynnwys clybiau yn yr Alban na Gogledd Iwerddon.

Cynhelir Eisteddfodau sirol a chenedlaethol unwaith y flwyddyn yng Nghymru.

Hanes

Y clwb hynaf sy'n dal i gyfarfod yw Clwb Ffermwyr Ifanc Swydd Buckingham, a sefydlwyd ym 1923.

Strwythr

Mae'r aelodaeth yn cynnwys tua 20,000 o bobl ifanc rhwng 10 a 26 oed. Yn wahanol i'r mwyafrif o gymdeithasau ieuenctid, caiff y clybiau eu rhedeg gan yr aelodau, ar gyfer yr aelodau. Caiff y clybiau eu grwpio mewn 51 ffederasiwn lleol, yn dilyn ffiniau siroedd fel rheol. Cânt eu grwpio ymhellach yn saith is-ranbarth o Gymru a Lloegr, ac ar y cyd maen't yn ffurfio Ffederasiwn Cenedlaethol Clybiau Ffermwyr Ifanc.

Mae mudiad y ffermwyr ifanc yn cynnwys pobl sy'n byw a gweithio yng nghefn gwlad, neu sydd â diddordeb yng nghefn gwlad, sy'n ymuno â'i gilydd i ffurfio clwb "agored", lle gallant ddilyn eu diddordebau mewn rhaglen o weithgareddau sydd wedi ei gyfarwyddo ganddyn nhw eu hunain. Mae'r gweithgareddau yn cwmpasu amaethyddiaeth, chwaraeon, gwirfoddoli yn y gymuned, yr amgylchedd a gweithgareddau cymdeithasol.

Mae gan Cymru a Lloegr hefyd sawl uned fferm addysgol, sy'n aml yn rhedeg Clwb Ffermwyr Ifanc yr "Ysgol".

Is-ffederasiynau rhanbarthol

Mae pob clwb yn perthyn i ffederasiwn rhanbarthol, sy'n gyfrifol am drefnu gweithgarethau'r rhanbarth rhwng y clybiau, a gweinyddu gweithgareddau cenedlaethol.

Rhanbarthau'r ffederasiynau:

• Cymru
• Dwyrain Lloegr
• Dwyrain Canolbarth Lloegr
• Gogledd Lloegr
• De-ddwyrain Lloegr
• De-orllewin Lloegr
• Gorllewin Canolbarth Lloegr

Cenedlaethol

Mae pob CFfI a ffederasiwn rhanbarthol yn perthyn i'r Ffederasiwn Cenedlaethol Clybiau Ffermwyr Ifanc, sy'n gyfrifol am gadarnhau fod y rhaglenni o weithgareddau yn cynnwys elfen o addysg cymdeithasol personol, sy'n cynnig sialens i'w aelodau.

Lleolir y Swyddfa Genedlaethol yn Stoneleigh Park, Swydd Warwick.

Dolenni allanol

Cymru a Lloegr

• Gwefan swyddogol Ffederasiwn Cenedlaethol Clybiau Ffermwyr Ifanc
• Cyfeirlyfr yn cynnwys rhestr o'r clybiau, prosiect agored DMOZ

Cymru

• Clwb Ffermwyr Ifanc Cymru

Sirol

Cymru

Mae 12 ffederasiwn sirol yn ffederasiwn Cymru, sy'n cynnwys 162 o glybiau.

• CFfI Brycheiniog
• CFfI Ceredigion
• CFfI Clwyd
• CFfI Eryri
• CFfI Gwent
• CFfI Maesyfed
• CFfI Maldwyn
• CFfI Meirionnydd
• CFfI Morgannwg
• CFfI Sir Benfro
• CFfI Sir Gâr
• CFfI Ynys Môn