Fayzabad (Affganistan)

Oddi ar Wicipedia
Neidio i: llywio, chwilio
Mae hon yn erthygl am y ddinas yn Affganistan. Gweler hefyd Faizabad (India) a Faizabad (Tajikistan).

Fayzabad (neu Feyzabad neu Faizabad) yw dinas fwyaf a phrifddinas talaith Badakhshan yng ngogledd-ddwyrain Affganistan, gyda phoblogaeth o tua 50,000 o bobl. Mae'r mwyafrif yn farsiandiwyr neu ffermwyr.

Mae'r ddinas yn gorwedd ar uchder o 3,920 troedfedd. Saif ar lan dde Afon Kokcha, sy'n llifo mewn gwely cul a syrth. Mae bryniau yn codi tua 2,000 troedfedd i fyny y tu ôl i'r dref. Mae'r hinsawdd yn boeth iawn yn yr haf ac yn oer yn y gaeaf.

Hanes[golygu]

Cafodd Fayzabad ei dinistrio'n llwyr gan Murad Beg yn 1829. Ailgodwyd y ddinas gan Faiz Muhammad Khan, tra'n llywodraethwr y dalaith, yn 1865.[1]

Codwyd maes awyr milwrol ar gyrion y ddinas gan y Rwsiaid; fe'i defnyddir bellach gan lluoedd arfog rhyngwladol yn Affganistan.

Cyfeiriadau[golygu]

  1. Imperial Gazeteer of India: Afghanistan and Nepal (Calcutta, 1908; adargraffiad, Delhi Newydd, 1989).