Emyr Llywelyn

Oddi ar Wicipedia
Neidio i: llywio, chwilio

Ymgyrchwr gwleidyddol Cymreig yw Emyr Llywelyn, a oedd yn weithgar yn ystod y 1960au a'r 1970au, sefydlwyd Mudiad Adfer ar sail ei athroniaeth ef, Owain Owain a'r Athro J. R. Jones. Mae'n cael ei adnabod hefyd gan ei lysenw Emyr Llew. Mae'n fab i'r nofelydd a'r bardd T. Llew Jones, ac yn frawd i'r chwaraewr gwyddbwyll rhyngwladol Iolo Ceredig Jones.

Fe'i ganed yn 1941 yn Sir Aberteifi. Cafodd ei addysg yn Ysgol Gynradd Coed-y-bryn, Ysgol Ramadeg Llandysul, a Phrifysgol Cymru, Aberystwyth.

Mae'n un o sefydlwyr a golygyddion y misolyn Cymraeg Y Faner Newydd.

Fe'i carcharwyd yn 1963 am wneud difrod i safle adeiladu argae Tryweryn; dedfryd o 12 mis o garchar.[1][2][3] Cyhoeddodd ar unwaith na fyddai'n defnyddio trais eto. Tra'n Gadeirydd Cymdeithas yr Iaith sicrhaodd fod y Gymdeithas yn mabwysiadu polisi di-drais.

Bu'n gweithio fel athro Cymraeg am sawl degawd, ym Mhort Talbot ac Aberaeron, ac mae'n byw yn Ffostrasol, Ceredigion erbyn hyn.

Llyfryddiaeth[golygu]

  • Llwybrau Llên, Hydref 2005 (Y Lolfa)
  • Cyfres Ti'n Jocan: Hiwmor y Cardi, Mawrth 2006 (Y Lolfa)
  • Themâu ein Llên: Blas ar Themâu ein Llenorion, Ionawr 2007 (Y Lolfa)

Cyfeiriadau[golygu]

  1.  Tryweryn. Llyfrgell Genedlaethol Cymru.
  2.  Boddi cwm yn newid hanes?. BBC (12 Chwefror 2003).
  3.  E. Wyn James (2005 Annual). Painting the world green: Dafydd Iwan and the Welsh protest ballad. Folk Music Journal.