Eliseus Williams (Eifion Wyn)

Eifion Wyn

Bardd oedd Eliseus Williams, enw barddol Eifion Wyn (2 Mai 1867 – 13 Hydref 1926), a aned ym Mhorthmadog yn yr hen Sir Gaernarfon (Gwynedd heddiw).

Ei hanes

Ganwyd Eifion Wyn yn y Garth, Porthmadog. Brodorion o Chwilog oedd ei rieni.

Er na chafodd lawer o fanteision addysg ei hun llwyddodd i fod yn athro a gwasanethodd ym Mhorthmadog ac wedyn yn Mhentrefoelas. Yn ogystal roedd yn glerc ar hyd ei oes i Gwmni Llechi Gogledd Cymru.

Dioddefai byliau tost o afiechyd ar hyd ei oes. Cafodd ei gladdu yn ymyl ei rieni a'i chwaer ym mynwent Chwilog.

Ei farddoniaeth

Roedd yn fardd cynhyrchiol a phoblogaidd. Un o'i gyfeillion oedd y bardd dall J.R. Tryfanwy, o Rostryfan. Cafodd ei farddoniaeth ddylanwad mawr yn ei gyfnod ac fe'i ystyrid gan lawer yn un o feirdd gorau'r oes. Gwelir ei waith ar ei orau yn y cyfrolau Telynegion Maes a Môr (1906) a Caniadau'r Allt (1927). Roedd yn emynydd yn ogystal ac erys rhai o'i emynau'n boblogaidd.

Llyfryddiaeth

Gwaith Eifion Wyn

• Ieuenctid y Dydd (1894)
• Y Bugail (c. 1900)
• Telynegion Maes a Môr (1906)
• Caniadau'r Allt (1927)
• O Drum i Draeth (1929)

Astudiaethau

• Peredur Wyn Williams, Cofiant Eifion Wyn (1980). Cofiant iddo gan ei fab.