Deffro'r Gwanwyn (sioe gerdd)
| Enghraifft o'r canlynol | sioe gerdd  |
|---|---|
| Dyddiad y perff. 1af | 1 Mawrth 2011 |
Sioe gerdd roc yw Deffro'r Gwanwyn, sy'n drosiad Cymraeg o'r sioe gerdd wreiddiol Spring Awakening, gan Duncan Sheik a Steven Sater.
Plot[golygu | golygu cod]
Mae'r sioe gerdd yn seiliedig ar ddrama Almaeneg Frühlings Erwachen (Deffro'r Gwanwyn) a ysgrifennwyd ym 1891 gan y dramodydd Frank Wedekind. Roedd yn ddrama ddadleuol iawn ar y pryd, a waharddwyd yn yr Almaen am gyfnod oherwydd ei phortread cignoeth o erthylu, cyfunrywioldeb, trais rhywiol, cam-drin plant a hunanladdiad. Mae'r ddrama'n ymwneud â deffroad rhywiol criw o arddegolion yn yr Almaen ddiwedd y bedwaredd ganrif ar bymtheg.
Y cynhyrchiadau Cymraeg[golygu | golygu cod]
Ym mis Mawrth 2011, llwyfannwyd Deffro'r Gwanwyn gan Theatr Genedlaethol Cymru, cyfieithiad Cymraeg o'r sioe gan y dramodydd Dafydd James. Gwerthwyd pob tocyn a bu canmoliaeth fawr i'r cynhyrchiad[1]. Aeth y Theatr ar daith unwaith eto gyda'r sioe ym mis Tachwedd 2011, gyda rhai newidiadau i'r cast.[2][3]
Cast cynhyrchiad gwreiddiol Llundain a'r ddau gynhyrchiad Cymraeg.
| Cymeriad | Cast y cynhyrchiad Cymraeg gwreiddiol | Cast yr ail gynhyrchiad Cymraeg |
|---|---|---|
| Melchior | Aled Pedrick | Aled Pedrick |
| Wendla | Ellen Ceri Lloyd | Ellen Ceri Lloyd |
| Moritz | Iddon Jones | Iddon Jones |
| Ilse | Lynwen Haf Roberts | Nia Ann |
| Oedolion (Dynion) | Dyfed Thomas | Dyfed Thomas |
| Oedolion (Merched) | Ffion Dafis | Victoria Pugh |
| Hanschen | Owain Gwynn | Tomos Eames |
| Georg | Daniel Lloyd | Siôn Ifan |
| Martha | Zoe George | Zoe George |
| Ernst | Meilir Rhys Williams | Meilir Rhys Williams |
| Otto | Berwyn Pearce | Berwyn Pearce |
| Anna | Elain Lloyd | Elain Llwyd |
| Thea | Elin Llwyd | Elin Llwyd |
Ffynonellau[golygu | golygu cod]
- ↑ Adolygiad yn y Cymro. Paul Griffiths (Blogspot) (18 Mawrth 2011).
- ↑ Deffro'r Gwanwyn ar Daith Unwaith Eto. Theatr Genedlaethol Cymru (2 Hydref 2011).
- ↑ Cipolwg 'Deffro'r Gwanwyn', Elin Williams. National Theatre Wales Community (3 Tachwedd 2011).