Daniel Craig
Actor Seisnig yw Daniel Wroughton Craig (ganwyd 2 Mawrth 1968). Mae ei weithiau cynnar yn cynnwys The Power of One, A Kid in King Arthur's Court a'r cyfresi teledu Sharpe's Eagle a The Young Indiana Jones Chronicles: Daredevils of the Desert. Daeth i amlygrwydd oherwydd ei berfformiad yn Layer Cake a Lara Croft: Tomb Raider hefyd, lle'r serennodd gydag Angelina Jolie.
Craig oedd y chweched actor i bortreadu'r asiant cudd ffuglennol James Bond yng nghyfres Eon Productions o ffilmiau. Cafodd ei berfformiad cyntaf fel y cymeriad yn 2006 ganmoliaeth fawr a chafodd ei enwebu am Wobr BAFTA. Gwnaeth y ffilm US$593 miliwn ledled y byd a dyma oedd y ffilm James Bond i wneud fwyaf o arian. Yn ddiweddar, gorffennodd ffilmio'r 22ain ffilm Bond sef Quantum of Solace a ryddhawyd yn y DU ar 31 Hydref 2008 ac yn yr Unol Daleithiau ar 14 Tachwedd 2008.
