Dallas

Oddi ar Wicipedia

Dinas yn nhalaith Texas yn yr Unol Daleithiau yw Dallas. Gyda phoblogaeth o 1,232,940 yn 2006, hi yw trydedd dinas Texas o ran poblogaeth, a'r nawfed yn yr Unol Daleithiau. Roedd poblogaeth ardal ddinesig Dallas-Fort Worth yn 6,145,037, y bedwaredd yn yr Unol Daleithiau o ran poblogaeth.

Sefydlwyd Dallas yn 1841, a chafodd statws dinas yn 1856. Y diwydiant olew yw sail economi'r ddinas, ond mae gan nifer o gwmnïau mawr eraill, megis Texas Instruments, eu pencadlys yma hefyd.

Ar 22 Tachwedd 1963, saethwyd yr Arlywydd John F. Kennedy yn farw pan oedd ar ymweliad a Dallas.