Cytsain gnithiedig

Mewn seineg, cytsain a gynhyrchir gan gyfangiad cyhyrol yw cytsain gnithiedig, lle y mae'r ynganydd gweithredol yn cael ei fwrw yn erbyn yr un goddefol. Mae cytseiniaid cnithiedig yn cyferbynnu â chytseiniaid stop gan nad oes cynnydd anadl y tu ôl i'r man ynganu ac felly dim rhyddhau'r sain ffrwydrol. Fel arall, mae cytseiniaid cnithiedig yn debyg i gytsain stop sydyn. Hefyd, maent yn wahanol i gytsain grech lle y mae'r ynganydd yn aros yn ei unfan a llif yr anadl sy'n gwneud iddo ddirgrynu. Gall y dirgrynu hwn barhau am sawl tro mewn cytsain grech, ond dim ond unwaith mae'n digwydd mewn cytsain gnithiedig.

Ceir y cytseiniaid cnithiedig canlynol yn yr Wyddor Seinegol Ryngwladol (IPA):

IPA	Disgrifiad	Enghraifft
		Iaith	Sillafu	IPA	Ystyr
	cytsain gnithiedig wefus-ddeintiol	iaith Mono	vwa	[ⱱa]	anfon
ɾ̪	cytsain gnithiedig ddeintiol	Sbaeneg	pero	[peɾ̪o]	ond
ɺ	cytsain gnithiedig ochrol orfannol	Japaneg	ラーメン(rāmen)	[ɺaːmeɴ]	nwdls rāmen
	cytsain gnithiedig olblyg	Hausa	shaara	[ʃáːɽa]	ysgubo
ɺ̢ ()	cytsain gnithiedig ochrol olblyg	Pashto	ړوند (ṛund)	[ɺ̢und]	dall

Gweler hefyd

• Gwyddor Seinegol Ryngwladol

Ffynonellau

• Ladefoged, Peter; Ian Maddieson (1996). The Sounds of the World's Languages. Rhydychen: Blackwell. ISBN 0-631-19814-8.